အရေးတော်ပုံကြီးအောင်မြင်ဖို့အတွက် ပြီးခဲ့တဲ့လပိုင်းကတည်းက GZလူငယ်တွေနဲ့အတူ တောထဲမှာ စစ်ရေးလေ့ကျင့်မှုတွေ ပြုလုပ်နေကြသူတွေထဲမှာ ဟားငါးကောင်လူရွှင်တော် အဖွဲ့သားတွေကလည်း အပါအဝင်ပါပဲ..။
ဟားငါးကောင်အဖွဲ့ကတော့ တော်လှန်ရေးတိုက်ပွဲကြီးမှာ အသက်ပေးကျဆုံးသွားကြတဲ့ ပြည်သူတွေနဲ့ သူရဲကောင်းလူငယ်လေးတွေကို အားနာစိတ်မကောင်းဖြစ်ရတဲ့အတွက် တောထဲဝင်ရောက်ခဲ့ကြတာ ဖြစ်ပါတယ်..။
တောထဲတောင်ထဲ ပင်ပန်းကြမ်းတမ်းမှုအခက်အခဲတွေကို ကြံ့ကြံ့ခံရင်ဆိုင်ကာ စစ်ရေးလေ့ကျင့်မှုတွေပြုလုပ်နေတဲ့ တိုင်းကျော်တို့အဖွဲ့ကတော့ ပြည်သူတွေနဲ့ ရပ်တည်နေတဲ့ ရဲရင့်တက်ကြွတဲ့ လူငယ်လူရွှင်တော်တွေကိုလည်း မပျက်မကွက် ဂုဏ်ပြုလာတာ တွေ့ရပါတယ်..။
တောထဲမှာ လက်သုံးချောင်းထောင်ကာ မျိုးဆက်သစ်လူငယ်လူရွှင်တော်တွေရဲ့ ရဲရင့်ပြတ်သားတဲ့ ရပ်တည်ချက်တွေကို လေးစားစွာ ဂုဏ်ပြတဲ့အကြောင်းကို တိုင်းကျော်က ပြောပြထားတာ ဖြစ်ပါတယ်..။
"ရဲရင့်သော ညီငယ်လူရွှင်တော်များ အား
ဂုဏ်ပြုလျှက် ငါတို့က လူရွှင်တော် တွေ.." ဆိုပြီး တိုင်းကျော်က ဂုဏ်ပြုစကားဆိုထားတာဖြစ်ပြီး ပရိသတ်တွေကလည်း ဆုတောင်းအားပေးစကားတွေ ဆိုထားကြတာ တွေ့ရပါတယ်..။
အခက်အခဲတွေနဲ့ နေပူမရှောင်မိုးရွာမရှောင် တောထဲမှာ ပင်ပန်းဆင်းရဲမှုတွေနဲ့ ဒုက္ခမျိုးစုံရင်ဆိုင်ကာ တော်လှန်ရေးအတွက် လေ့ကျင့်မှုတွေ ပြုလုပ်နေတဲ့ ဟားငါးကောင်အဖွဲ့ကိုလည်း အားလုံးက လေးစားချီးကျူးနေကြတာ ဖြစ်ပါတယ်..။
သတင်း အရင်းအမြစ်៖ Taingkyaw's Fb Acc