လတ်တလောမှာ မီးလောင်ကျွမ်းမှုတွေနဲ့ ဗုံးပေါက်ကွဲမှုတွေမကြာခဏဖြစ်နေတာကြောင့် ပြည်သူတွေလည်းကြောက်လန့်နေကြရတာဖြစ်ပါတယ်။ မီးလောင်ကျွမ်းမှုအများစုမှာဈေးတွေ၊အုပ်ချုပ်ရေးမှူးရုံးတွေနဲ့ စာသင်ကျောင်းတွေဖြစ်ပြီး အသက်သေဆုံးရတဲ့အဖြစ်တွေနဲ့လည်းကြုံတွေ့နေကြရပါတယ်။ ယမန်နေ့ည ဇွန်လ(၉)ရက်နေ့ ည(၁၀)နာရီခန့်အချိန်မှာလည်း ကချင်ပြည်နယ်၊အင်းတော်ဒေသရှိ လုံးတုံကျေးရွာစာသင်ကျောင်းမီးလောင်ခဲ့တယ်လိုသိရပါတယ်။
မီးလောင်မှုကြောင့် စာသင်ကျောင်းတစ်ကျောင်းလုံးလည်း ပြာကျပျက်စီးခဲ့ရပြီး ကချင်ပြည်နယ်မှာ တစ်ညကိုစာသင်ကျောင်းတစ်ကျောင်းနှုန်းနဲ့ မီးလောင်မှုဖြစ်ပေါ်နေတယ်လို့သိရပါတယ်။ အခုလိုရုတ်တရတ်အရှိန်ပြင်းပြင်းနဲ့လောင်ကျွမ်းခဲ့တာကြောင့် မီးငြှိမ်းသတ်ကြပေမယ့် တစ်ကျောင်းလုံးလောင်ကျွမ်းသွားခဲ့ရတာဖြစ်ပါတယ်။
အခုလိုနိုင်ငံရေးမတည်မငြိမ်ဖြစ်နေကာ ဈေးတွေမီးလောင်၊စာသင်ကျောင်းတွေမီးလောင်နဲ့ဖြစ်ပေါ်နေတဲ့အတွက် ပြည်သူတွေမှာလည်း နေ့စဉ်နဲ့အမျှ ကျီးလန့်စာစားဘ၀ကိုရောက်နေကြရတာပါ။ မီးလောင်မှုတိုင်းလိုလိုဟာလည်း ညမထွက်ရအမိန့်ထုတ်ပြန်ထားတဲ့အချိန်တွေမှာလောင်ကျွမ်းတာကြောင့် ဒေသခံတွေကရှို့မီးဖြစ်နိုင်ကြောင်း ခန့်မှန်းပြောဆိုနေကြပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Myanmarload