အောင်မြင်တဲ့ အနုပညာရှင်တစ်ယောက်ဖြစ်တဲ့ ကျော်ကျော်နန္ဒကတော့ လူထုလှုပ်ရှားမှုတွေကို အင်တိုက်အားတိုက်လုပ်ဆောင်မှုတွေကြောင့် အမှုဖွင့် အရေးယူခြင်းခံထားရတဲ့ အနုပညာရှင်တွေထဲက တစ်ဦးအပါအဝင်ပါပဲ..။

ကျော်ကျော်နန္ဒကတော့ ပြီးခဲ့တဲ့ လပိုင်းတွေကတော့ ၅၀၅ က ဖြင့် အမှုဖွင့်ဝရမ်းထုတ်ခံထားတာ ဖြစ်ပြီး အကြမ်းဖက်မှုတွေကြောင့် လက်ရှိမှာ ရှောင်တိမ်းနေရတာ ဖြစ်ပါတယ်..။

Photo Credit - Kyaw Kyaw Nada's Fb Acc
Photo Credit - Kyaw Kyaw Nada's Fb Acc

ကျော်ကျော်နန္ဒကတော့ လတ်တလောမှာ ကျန်းမာရေးမကောင်းလို့ ကုသမှုတွေ ခံယူချင်ပေမယ့် ရှောင်ပုန်းနေရတာကြောင့် ဆေးခန်းပြလို့ မရတဲ့ သူ့ရဲ့အခြေအနေတွေကို စိတ်မကောင်းစွာ ပြောပြလာပါတယ်..။

အခြေအနေတွေအရပ်ရပ်ကြောင့် ကိုယ်တိုင်က ကျန်းမာရေးမကောင်းလို့ ပင်ပန်းနွမ်းနယ်နေပေမယ့် ပြည်သူပရိသတ်တွေကိုလည်း ကိုဗစ်ရောဂါ ကြိုတင်ကာကွယ်ထားကြဖို့ကိုလည်း တိုက်တွန်းထားပါသေးတယ်..။

Photo Credit - Kyaw Kyaw Nada's Fb Acc

"မိဘလုပ်သားပြည်သူအပေါင်း ကိုဗစ်ကို ကာကွယ်ထားကြပါနော် ကျနော်ခုနေမကောင်းဘူး

နေမကောင်းပေမယ့် ပုန်းနေရလို့ ဆေးခန်းပြခွင့်မရှိပါဘူး.." ဆိုပြီး ကျော်ကျော်နန္ဒက ပြောပြထားတာ ဖြစ်ပါတယ်..။

အရေးတော်ပုံကြီး အောင်မြင်ဖို့အတွက် တော်လှန်ရေးတိုက်ပွဲကြီးမှာ တစ်ထောင့်တစ်နေရာကနေ ပါဝင်ခဲ့တဲ့ ကျော်ကျော်နန္ဒကိုတော့ ပရိသတ်တွေကလည်း စိတ်ပူစွာ အားပေးစကားတွေ ပြောထားကြတာ တွေ့ရပါတယ်..။

Photo Credit - Kyaw Kyaw Nada's Fb Acc

သတင်းအရင်းမြစ်: Kyaw Kyaw Nada's Fb Acc


"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။