Russia နိုင်ငံက Anna Ruzankina လို့ခေါ်တဲ့ အသက် ၂၃ နှစ်အရွယ် မိခင်တစ်ဦးဟာ သူမရဲ့ ၃ နှစ်အရွယ်သမီးလေး Anastasia အပေါ် မလုပ်သင့်တဲ့ လုပ်ရပ်တစ်ခုကို ပြုလုပ်ခဲ့ပါတယ်။

Anna ဟာ အရမ်းငိုနေတဲ့ သမီးလေးကို အပြစ်ပေးဖို့အတွက် ခြောက်လွှာမှာရှိတဲ့ အခန်းရဲ့ လသာ​ဆောင်ကနေ အင်္ကျီစကို ကိုင်ပြီး တွဲလောင်းချထားခဲ့ပါတယ်။

အဲ့အချိန်မှာ သမီးလေး Anastasia ဟာ အရမ်းငိုကြွေးနေခဲ့ပြီး မေမေ သမီးအရမ်းကြောက်တယ်လို့ တဖွဖွ ပြောနေပေမယ့် Anna က အပေါ်ကိုပြန်ဆွဲမတင်ခဲ့ပါဘူး။

အဲ့ဒီနောက်မှာပဲ Anna ဆွဲထားတဲ့ Anastasia ရဲ့ အင်္ကျီစဟာ ပြဲသွားခဲ့ပြီး Anastasia ဟာ ပေ ၆၀ လောက်အမြင့်ကနေ ကတ္တရာ လမ်းပေါ်ကို ပြုတ်ကျသွားခဲ့ပါတယ်။

ပြုတ်ကျသွားတဲ့ အရှိန်ကြောင့်ပဲ Anastasia လေးဟာ သွေးအိုင်ထဲမှာပဲ ပွဲချင်းပြီးသေဆုံးသွားခဲ့ရပါတယ်။

တစ်ချို့တက်လာတဲ့ သတင်းတွေထဲမှာတော့ မိခင်ဖြစ်သူဟာ ညက club သွားထားပြီးတော့ အရက်သေစာတွေ သောက်စားထားတယ်လို့ ဖော်ပြထားပါတယ်။

ဘာ့ကြောင့်ပဲ ဖြစ်ဖြစ် လူ့လောကအကြောင်း စုံစုံလင်လင် မသိသေးတဲ့ အသက် ၃ နှစ်အရွယ်ကလေးလေးတစ်ယောက်ဟာ မိခင်ဖြစ်သူရဲ့ မလုပ်သင်တဲ့လုပ်ရပ်ကြောင့် သေဆုံးသွားရတာက တကယ့်ကို ကြေကွဲစရာပဲ။

သတင်းအရင်းမြစ်: The Mirror

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။