ဖိနှိပ်မှုတွေနဲ့ ဖမ်းဆီးထိန်းသိမ်းမှုတွေများပြားနေပေမယ့် ပြည်သူတွေရဲ့စစ်အာဏာရှင်တော်လှန်ရေးသပိတ်စစ်ကြောင်းတွေကတော့ အဆက်အပြတ်ထွက်ပေါ်နေကြဆဲဖြစ်ပါတယ်။ ရန်ကုန်၊မန္တလေးစတဲ့ မြို့ကြီးတွေမှာလည်း ပြည်သူတွေက ပြောက်ကျားသပိတ်တွေအနေနဲ့ထွက်ကာ တော်လှန်နေကြသလို မြန်မာနိုင်ငံအနှံ့အပြားမှာရှိတဲ့ ကျေးရွာ၊မြို့နယ်တွေမှာလည်း ဆန္ဒပြသပိတ်တွေအားကောင်းစွာနဲ့ ထွက်ပေါ်နေကြဆဲဖြစ်ပါတယ်။
ဒီကနေ့ ဇွန်လ (၁၁)ရက်နေ့မှာဆိုရင်လည်း ကချင်ပြည်နယ် ဖားကန့် တာမခန်ရှိပြည်သူလူထုတွေစုပေါင်းကာ စစ်အာဏာရှင်စနစ်ကိုဆန့်ကျင်တော်လှန်တဲ့ သပိတ်တွေထွက်ခဲ့ကြတာဖြစ်ပါတယ်။ ပြည်သူတွေက အနီရောင်၀တ်စုံတွေ၀တ်ဆင်ထားကြပြီး ရဲရဲနီကာသပိတ်စစ်ကြောင်းထွက်ခဲ့ကြတာပါ။ ဖမ်းဆီးသတ်ဖြတ်မှုတွေကြားထဲကနေ အခုလိုသတ္တိရှိစွာနဲ့ထွက်လာကြတဲ့ ကျေးရွာနေလူထုရဲ့သတ္တိကတော့ မလေးစားပဲမနေနိုင်အောင်ကိုပြောင်မြောက်လွန်းကြပါတယ်။
ဒီသပိတ်စစ်ကြောင်းမှာဆိုရင် ပြည်သူတွေရာနဲ့ချီပါ၀င်ခဲ့ကြတာဖြစ်ပြီး အမျိုးသမီးတွေအများစုပါ၀င်ချီတက်ခဲ့ကြတာပါ။ ရက်ပေါင်း ၁၀၀ကျော်ကြာ ကြာမြင့်နေပြီဖြစ်ပေမယ့် ပြည်သူတွေကတော့ ရရာနည်းလမ်းနဲ့ စစ်အာဏာရှင်စနစ်ကိုတော်လှန်နေကြဆဲဖြစ်ပါတယ်။ ပရိသတ်တွေအတွက် ပြန်လည်မျှဝေပေးလိုက်ပါတယ်နော်။
သတင်း အရင်းအမြစ်៖ Myanmarload
Bong I.T