စူးရှထက်ကတော့ ခုလတ်တလောမှာ ဖြစ်ပေါ်နေတဲ့ အခြေအနေတွေနဲ့ပတ်သက်ပြီး ဖေဖော်ဝါရီလထဲကနေ ဒီနေ့အထိ ပြည်သူလူထုနဲ့အတူရပ်တည်ကာ လမ်းပေါ်ထွက် လှုပ်ရှားမှုတွေကို အားတတ်သရော ပြုလုပ်ခဲ့သူတစ်ယောက်ပါ။ဒါ့အပြင် အစားအသောက်များကို ကိုယ်တိုင်ချက်ပြုတ်ကာ လှုပ်ရှားမှုပြုလုပ်နေတဲ့ ပြည်သူတွေအပြင် ညကင်းစောင့်တဲ့ သူရဲကောင်းတွေကိုလည်း လိုက်ဝေငှလှူဒါန်းရင်း ရရာနေရာကနေ တတ်နိုင်သလောက် ကူညီအားဖြည့်ခဲ့တာဖြစ်ပါတယ်။

Photo Credit : Zar Chi Facebook Page 

ခုလို အရာရာ ခက်ခဲလွန်းတဲ့ တော်လှန်ရေး ကာလကြီးမှာလည်း စားဝတ်နေရေး အဆင်မပြေဖြစ်နေတဲ့ ပြည်သူတွေကို သူမရဲ့ ချွေးနည်းစာလေးနဲ့ လိုအပ်တာမှန်သမျှကို တတ်နိုင်သလောက် ထောက်ပံ့ဝေမျှပေးခဲ့တာကြောင့် အားလုံးက လေးစား ချစ်ခင်နေရတာပါ  ။ သူကိုယ်တိုင်လည်း ချွေတာကာ အင်တိုက်အားတိုက် လှူဒါန်းခဲ့ပြီး ကိုယ်ကျိူးမကြည့်ဘဲ လုပ်ဆောင်နေသူ တစ်ယောက်လည်းဖြစ်ပါတယ် ။

Photo Credit : Zar Chi Facebook Page 
Photo Credit : Zar Chi Facebook Page 

မကြာခင်နာရီပိုင်းလောက်ကလည်း သူမရဲ့ပို့စ်အောက်မှာ လာရောက်အကူအညီတောင်းခံထားတဲ့ ကလေးမိခင်တစ်ဦးကို တတ်နိုင်သလောက် အလှူငွေ (၅၀၀၀၀) လှူဒါန်းဖြစ်ခဲ့ကြောင်း ဖော်ပြထားပါတယ်။  အလှူခံသူမှာ ဆင်းရဲချို့တဲ့ ပြီး အစားလည်း ပုံမှန်မစားနိုင်လို့ နို့မထွက်တာကြောင့် ကလေးဖြစ်သူကို နို့မှုန့်လေး ဝယ်ပေးချင်လို့ အလှူခံရခြင်းဖြစ်ကြောင်း စူးရှထက်ရဲ့ ပို့စ်လေးမှာ ရေးသားခဲ့တာတွေ့ရပါတယ် ။ စူးရှထက်ရဲ့ စိတ်ထားလေးကို လေးစားမိတာကြောင့် ပရိသတ်ကြီးအတွက် ပြန်လည်ဖော်ပြပေးလိုက်ပါတယ်။

Source & Photo Credit : Zar Chi Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။