တရုတ်နိုင်ငံက Mr Luo လို့ခေါ်တဲ့ အမျိုးသားတစ်ဦးဟာ လွန်ခဲ့တဲ့ ၅၈ နှစ်လောက်က မီးရထားဘူတာရုံ တစ်ခုမှာ သူ့ရဲ့ အသက် ၂ နှစ်အရွယ်သားလေးကို ပျောက်ဆုံးသွားခဲ့ပါတယ်။

အဲ့အချိန်ကနေစပြီး Luo ဟာ သူ့ရဲ့သားလေးကို

သတင်းစာထဲမှာရော ၊ မီဒီယာတွေပေါ်မှာရော ၊ အင်တာနက်ပေါ်ကနေရော နည်းလမ်းမျိုးစုံသုံးပြီး ရှာခဲ့ပေမယ့် ဘယ်လိုမှရှာမတွေ့ခဲ့ပါဘူး။

၂၀၁၅ ခုနှစ်လောက်မှာတော့ တရုတ်နိုင်ငံအတွင်းမှာ နောက်ဆုံးပေါ် DNA စစ်းဆေးခြင်းနည်းပညာကို အသုံးပြုပြီးလူရှာတဲ့နည်းကို စတင်အသုံးပြုခဲ့ပြီး ပြီးခဲ့တဲ့ ဇွန်လ ၁ ရက်နေ့မှာ Mr Luo နဲ့ သား​ဖြစ်သူ Fu လို့ခေါ်တဲ့ အမျိုးသားရဲ့ DNA ကကိုက်ညီပြီး သားအဖဖြစ်ကြောင်း အတည်ပြုနိုင်ခဲ့ပါတယ်။

အဲ့ဒီနောက် ဇွန်လ ၈ ရက်နေ့အရောက်မှာတော့ ၅၈ နှစ်လောက်ကွဲကွာသွားတဲ့ သားအဖနှစ်ယောက်ဟာ ပြန်ဆုံနိုင်ခဲ့ပါတယ်။

Fu ဟာရထားဘူတာမှာပျောက်သွားပြီးနောက်မှာ Shanghai ကိုပါသွားခဲ့ပြီး မွေးစားမိဘတွေနဲ့ အတူတူနေနေခဲ့တာပဲ ဖြစ်ပါတယ်။

ပျောက်ဆုံးသွားတဲ့ အသက် ၂ နှစ်အရွယ်ကလေးလေး Fu ဟာ ဖခင်ဖြစ်သူနဲ့ ပြန်တွေ့ချိန်မှာတော့ အသက် ၆၀ အရွယ်ရောက်နေခဲ့ပါပြီ။

လူမှုကွန်ယက်ပေါ် ပျံ့နှံ့လာတဲ့ ဗီဒီယိုထဲမှာဆိုရင်လည်း သားအဖနှစ်ယောက်လုံးဟာ ဝမ်းသာလွန်းလို့ကျတဲ့ မျက်ရည်ကိုယ်စီနဲ့ တစ်ယောက်ကိုတစ်ယောက်ဖက်ထားတာက တကယ့်ကို ကြည်နူးရတဲ့ မြင်ကွင်းတစ်ခုပါပဲ။

ဗီဒီယိုလေးထဲမှာ သားအဖနှစ်ယောက်ရဲ့ ခံစားချက်တွေ ဘယ်လောက်တောင် ပေါ်လွင်နေလဲဆိုတာ ပရိသတ်​​​တွေကိုယ်တိုင် ကြည့်ရှုလို့ရအောင်ပါ ဖော်ပြပေးလိုက်ပါတယ်။

သတင်းအရင်းမြစ်: Daily Star

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။