လက်ရှိအခြေအနေတွေကြောင့် ရန်ကုန်မြို့အပါအဝင် နေရာဒေသတော်တော်များများမှာ ပေါက်ကွဲမှုတွေ ဖြစ်ပွားနေပြီး ပြည်သူတွေ တော်တော်များများ အထိတ်တလန့် ဖြစ်နေကြရတာ တွေ့ပါတယ်..။
အကြမ်းဖက်ဖြိုခွင်းမှုတွေအပြင် ပေါက်ကွဲမှုတွေကြောင့် အသက်ဆုံးရှုံးခဲ့ကြသူတွေလည်း အနည်းအများရှိနေကြပြီး ပြည်သူတွေကတော့ စားဝတ်နေရးအတွက် သတိထားသွားလာလှုပ်ရှား ရုန်းကန်နေကြရတာ ဖြစ်ပါတယ်..။
ပေါက်ကွဲမှုတွေဟာ နေ့တိုင်းလိုလို ဟ်ုဟိုဒီဒီတွေမှာ ဖြစ်ပွားနေပြီး ဒီကနေ့မှာလည်း သရုပ်ဆောင်မင်းသမီးခြူးလေးရဲ့ နေအိမ်ရှေ့မှာလည်း ဗုံးပေါက်ကွဲမှု ဖြစ်ခဲ့တယ်လို့ သိရပါတယ်..။
ခြူးလေးကတော့ သူမအနေနဲ့ အသက်အန္တရာယ်မထိခိုက်ခဲ့ပေမယ့် အိမ်ရှေ့ဗုံးပေါက်လို့ ကြောက်ရွံ့ထိတ်လန့်နေတဲ့ကြားက အဆိုပါကိစ္စနဲ့ပတ်သက်ပြီး လှောင်ပြောင်ဝေဖန်ကြသူတွေကြောင့် စိတ်မကောင်းဖြစ်နေရတာ တွေ့ရပါတယ်..။
"အိမ်ရှေ့မှာ ဗုံးပေါက်သွားလို့.." ဆိုပြီး ခြူးလေးက သူမရဲ့ လူမှုကွန်ယက်စာမျက်နှာကနေ ရေးသားပြောပြထားတာ ဖြစ်ပါတယ်..။
ဗုံးပေါက်လို့ ထိတ်လန့်ခဲ့ရတဲ့အကြောင်း ပြောပြထားတဲ့ သူမရဲ့ပို့စ်အောက်မှာတော့ စိတ်ပူစွာနဲ့ ဂရုစိုက်ဖို့ အားပေးထားကြတဲ့ ပရိသတ်တွေရှိသလို ဝေဖန်ကြတဲ့ ပြည်သူတွေလည်း ရှိနေကြတာ တွေ့ရပါတယ်..။
သတင်း အရင်းအမြစ်៖ Chue Chue's Fb Acc