အဆိုတော် ယုဇနကတော့ မြန်မာနိုင်ငံတွင် လက်ရှိဖြစ်ပေါ်နေသော လူထုလှုပ်ရှားမှုတွေမှာ ပြည်သူတွေနဲ့အတူပါဝင်ခဲ့တဲ့ အဆိုတော်တစ်ဦး ဖြစ်ပါတယ်။ အခြေအနေအရပ်ရပ်ကြောင့် ပြည်ပနိုင်ငံသို့ ရောက်ရှိနေပေမယ့်လည်းသွေးအေးမသွားဘဲ တတ်နိုင်တဲ့ဘက်ကနေ တက်ကြွစွာ ပါဝင်နေဆဲပဲ ဖြစ်ပါတယ်။ မကြာသေးခင် မိနစ်ပိုင်းကလည်း ယုဇနရဲ့ လူမှုကွန်ယက်တွင် ဗီဒီယိုဖိုင်တစ်ခု တင်ထားတာ ဖြစ်ပါတယ်။
ဒါကတော့ ကမ္ဘာလုံးဆိုင်ရာ မြန်မာ့နွေဦးတော်လှန်ရေးဆန္ဒပြပွဲတွင် တေးသီချင်းတစ်ပုဒ်ဖြင့် ပါဝင်သီဆိုအားဖြည့်ခဲ့တဲ့ ယုဇနရဲ့ဗီဒီယိုဖိုင်လေးပဲ ဖြစ်ပါတယ်။ ဇွန်လ (၁၂),(၁၃) ရက်နေ့ကို ကမ္ဘာလုံးဆိုင်ရာ မြန်မာ့နွေဦးတော်လှန်ရေး ရက်သတ္တပတ်အဖြစ် ဩစတေးလျနိုင်ငံ ဆစ်စနီမြို့တွင် လူထုချီတက် ဆန္ဒပြပွဲ ကျင်းပပြုလုပ်မှာဖြစ်ပါတယ်။ ပြည်ပနိုင်ငံရောက် မြန်မာများနှင့် မြန်မာ့အရေးကို စိတ်ပါဝင်စားကြတဲ့ နိုင်ငံခြားသားများလည်းပါဝင်ခဲ့ကြတာကို မြင်တွေ့ကြရမှာပါ။
ဒီပွဲတွင် ယုဇနကတော့ အဆိုတော် ခင်မောင်တိုးရဲ့ " ခွန်အားဖြည့်မိငယ်" ဆိုတဲ့ သီချင်းဖြင့် သီဆိုဖျော်ဖြေခဲ့တာဖြစ်ပါတယ်။ ပရိသတ်တွေကလည်း အဝေးရောက်နေတာတောင် သွေးမအေးသွားဘဲ ပြည်သူတွေနဲ့အတူ ရပ်တည်ပေးနေတဲ့ ယုဇနရဲ့ စိတ်ဓာတ်ကို လေးစားဂုဏ်ယူနေကြတာ ဖြစ်ပါတယ်။ အားလုံးလည်း ခံစားနားဆင်နိုင်အောင်ယုဇနရဲ့ သီချင်းဗီဒီယိုဖိုင်ကို တင်ဆက်ပေးလိုက် ရပါတယ်။
Source and Photo Crd-Yuzana’s Facebook Page