သရုပ်ဆောင်နေထူးနိုင်ကတော့ အနေအေးဆေးတဲ့ အနုပညာရှင်တစ်ယောက်ဖြစ်ပြီး အနုပညာလောကမှာအောင်မြင်မှုတွေ ဆွတ်ခူးထားနိုင်ခဲ့ပါတယ်။ ပရိသတ်တွေရဲ့ချစ်ခင်အားပေးမှုကိုလည်း အခိုင်အမာရယူထားနိုင်ခဲ့တဲ့ သူကတော့ ဗီဒီယိုဇာတ်ကားတွေများစွာကို ရိုက်ကူးခဲ့တဲ့ အနုပညာရှင်တစ်ယောက်ပဲဖြစ်ပါတယ်။ သူကတော့ ချစ်ဇနီးနဲ့အတူ အေးချမ်းပျော်ရွှင်တဲ့ မိသားစုဘဝလေးကို တည်ဆောက်ထားတာဖြစ်ပြီး ချစ်စရာကောင်းတဲ့ သားလေး၂ယောက်ကို ပိုင်ဆိုင်ထားခဲ့ပါတယ်။
သရုပ်ဆောင်နေထူးနိုင်တို့မိသားစုကတော့ ယခုမှာ ချောက်မြို့ကို ရောက်ရှိနေခဲ့တာပဲဖြစ်ပါတယ်။ဇွန်လ(၁၂)ရက်နေ့ မနေ့ကတော့ နေထူးနိုင်ချစ်ဇနီးရဲ့အသက်(၃၈)နှစ်ပြည့် မွေးနေ့ပဲဖြစ်ပြီး နေထူးနိုင်ကတော့ ချစ်ဇနီးရဲ့မွေးနေ့မှာ မှတ်မှတ်ရရဖြစ်စေမယ့် အမှတ်တရလေးပြုလုပ်ပေးခဲ့ပါတယ်။ နေထူးနိုင်ကတော့ ချစ်ဇနီးရဲ့မွေးနေ့အမှတ်တရအဖြစ် နေအပူချိန်ပြင်းတဲ့ချောက်မြို့မှာ ဗောဓိပင်နှင့်ခရေပင်(110)ကို ကိုယ်တိုင်စိုက်ပျိုးခဲ့ပါတယ်။
နေထူးနိုင်ကတော့ " ချစ်ဇနီးရဲ့ဒီနေ့၃၈နှစ်ပြည့်မွေးနေ့အမှတ်တရအဖြစ် ချောက်မြို့မတ်တစ်ထောင်နဂါးကုန်းတော်ပေါ်တွင် ဗောဓိပင်နှင့်ခရေပင်(110) အားအောင်မြင်စွာစိုက်ပျိုးခဲ့ပါသည် "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ ချစ်ဇနီးရဲ့မွေးနေ့မှာ သစ်ပင်တွေများစွာစိုက်ပျိုးနေတဲ့ သရုပ်ဆောင်နေထူးနိုင်တို့မိသားစုရဲ့ ပုံရိပ်လေးတွေကို ချစ်ပရိသတ်တွေအတွက် ပြန်လည်ဖော်ပြပေးလိုက်ရပါတယ်။
Source : NayHtooNaing' s Facebook Acc