ဖမ်းဆီးထိန်းသိမ်းမှုတွေ နေရာတိုင်းမှာ များပြားနေပေမယ့် ပြည်သူတွေရဲ့ စစ်အာဏာရှင် တော်လှန်ရေး သပိတ်စစ်ကြောင်းတွေကတော့ နေ့ရက်တိုင်း ထွက်ပေါ်နေကြဆဲဖြစ်ပါတယ်။ အရင်လို အင်အားများစွာနဲ့ ဆန္ဒထုတ်ဖော်ရန် မလွယ်ကူတာကြောင့် ပြောက်ကျားသပိတ်တွေဆင်နွှဲကာ အာဏာရှင်စနစ်ကိုအဆုံးထိတော်လှန်နေကြတာဖြစ်ပါတယ်။ နေ့ရက်တိုင်းလိုလို အာဏာရှင်ဆန့်ကျင်ရေးသပိတ်တွေထွက်နေကြတဲ့ မြို့တွေထဲမှာဆိုရင် မန္တလေးမြို့ကတော့ ချီးကျူးစရာကောင်းအောင်ကို တက်ကြွနေတာကိုတွေ့မြင်ရပါတယ်။
ပြည်သူတွေဘက်က အခုလို ဆန္ဒပြသပိတ်တွေထွက်ကြသလို ပြည်သူ့ကာကွယ်ရေးတပ် PDFတွေဖွဲ့စည်းပြီးတော့လည်း စစ်အာဏာရှင်တွေကိုတော်လှန်နေကြတာပါ။ ဒီကနေ့ဇွန်လ (၁၄)ရက်နေ့မှာဆိုရင်လည်း မန္တလေးမြို့အခြေစိုက် တကသသပိတ်စစ်ကြောင်းထွက်ခဲ့တာဖြစ်ပါတယ်။ တကသ သပိတ်စစ်ကြောင်းက 'သပိတ်စုံသူပုန်ထ' ဆိုတဲ့ကြွေးကြော်သံတွေနဲ့အတူ လူငယ်လေးတွေတက်ညီလက်ညီဆန္ဒထုတ်ဖော်ခဲ့ကြတာပါ။
ဒီသပိတ်စစ်ကြောင်းမှာဆိုရင် Gen Zလူငယ်လေးတွေက မီးတုတ်တွေကိုင်ဆောင်ကာ လမ်းမတလျှောက်ဆန္ဒထုတ်ဖော်ခဲ့ကြတာဖြစ်ပြီး ကျောင်းသားလူငယ်များစွာပါ၀င်ပူးပေါင်းခဲ့ကြတာဖြစ်ပါတယ်။ မန္တလေးရဲ့စိတ်အားတက်ကြွမှုတွေနဲ့ စည်းလုံးမှုတွေကတော့ တကယ်ကိုအံ့အားသင့်စရာပါ။ ပရိသတ်တွေအတွက် သပိတ်စစ်ကြောင်းပုံရိပ်တွေကိုပြန်လည်မျှဝေပေးလိုက်ပါတယ်နော်။
သတင်း အရင်းအမြစ်៖ Myanmarload