ပိုမိုကောင်းမွန်တဲ့ အနာဂတ်သစ်ကို ဖန်တီးနိုင်ရန် လူငယ်တစ်ချို့ဟာ လွတ်မြောက်နယ်မြေများတွင် စစ်သင်တန်းတက်ရောက်သင်ကြားနေကြပြီ ဖြစ်ပါတယ်။ သင်တန်းဆင်းသွားတဲ့ လူငယ်တွေကလည်း သက်ဆိုင်ရာနေရာဒေသတွေမှာ တော်လှန်တိုက်ပွဲဝင်နေကြပြီ ဖြစ်ပါတယ်။ ဒီလူငယ်တွေဟာ သူတို့အတွက် အသက်အန္တရာယ်ရှိတာတောင်ပဓာနမထားဘဲ ပြည်သူတွေကို ကာကွယ်ပေးဖို့ အသင့်ရှိနေကြတာ ဖြစ်ပါတယ်။
ပြည်သူ့ကာကွယ်ရေးတပ်ဖွဲ့များမှ လူငယ်တွေဟာ တောထဲတောင်ထဲမှာ အခက်အခဲတွေများစွာနဲ့ နေထိုင်နေကြရတာ ဖြစ်ပါတယ်။ အခုလို မိုးတွင်းကာလမှာဆို တောထဲမှာ အကာအရံမရှိဘဲ လေဒဏ်မိုးဒဏ်ကို ခါးစီးခံနေရမှာအသေချာပါပဲ။ ဒါ့အပြင် စားရေးသောက်ရေးအဆင်မပြေရုံသာမက သူတို့ရဲ့ ကျန်းမာရေးအတွက်လည်း စိုးရိမ်စရာကောင်းလှပါတယ်။ သို့သော်လည်း အခက်အခဲမှန်သမျှ ရင်ဆိုင်ဖြေရှင်းကာ အဆုံးထိတိုက်ပွဲဝင်သွားကြမှာ ဖြစ်ပါတယ်။
မကြာသေးခင် နာရီပိုင်းလောက်ကလည်း KPDF တပ်ဖွဲ့ဝင် လူငယ်လေးတစ်ဦးရဲ့ Facebook Story မှာ ဗီဒီယိုလေးတစ်ခု တင်ထားပါတယ်။ ဒါကတော့ အင်ဖက်ထဲက ထမင်းဖြူတွေကို ငါးသေတ္တာတစ်ဗူးတည်းနဲ့ လောက်ငအောင်စားနေကြရတဲ့ KPDF လူငယ်လေးတွေရဲ့ဗီဒီယိုဖိုင် ဖြစ်ပါတယ်။ သူတို့တွေရဲ့ စွန့်လွှတ်အနစ်နာခံမှုတွေကတော့အလွန်လေးစားဂုဏ်ယူစရာကောင်းလှပါတယ်။ သူတို့လေးတွေအတွက် တတ်နိုင်တဲ့ဘက်ကနေ ကူညီပေးကြဖို့ပြောကြားရင်း ဒီသတင်းကို တင်ဆက်ပေးလိုက် ရပါတယ်။
Source and Photo Crd-Original Uploader
Bong I.T