ပြီးခဲ့တဲ့ ဇွန်လ(၁၀)ရက်နေ့ မနက်ပိုင်းက တပ်မတော်သုံးလေယာဥ်တစ်စီးဟာ ပြင်ဦးလွင်မြို့အနီးမှာ ပျက်ကျသွားခဲ့ပြီး အဆိုပါလေယာဥ်နဲ့အတူ လိုက်ပါလာခဲ့တဲ့ စျေးကုန်းဆရာတော်ဒေါက်တာဘဒ္ဒန္တကဝိသာရ ပျံလွန်တော်မူသွားခဲ့ပါတယ်။ ပျံလွန်တော်မူသွားတဲ့ စျေးကုန်းဆရာတော်ဘုရားကြီးရဲ့ ရုပ်ကလပ်တော်ကို ပျဉ်းမနားက ဈေးကုန်းကျောင်းတိုက်ကို ပြန်သယ်ယူလာခဲ့ပြီး ဒါယိကာ၊ဒါယိကာမတွေနဲ့ ဆရာတော်ကြီးများက လာရောက်ဖူးမျှော်နေကြပါတယ်။
ယနေ့မှာတော့ စျေးကုန်းဆရာတော်ဘုရားကြီးရဲ့အရိုးပြာတော်၊ ဓာတ်တော်များအား ပေါင်းလောင်းမြစ်အတွင်း ရေမျောပူဇော်ခြင်းကို ပြုလုပ်ခဲ့ကြပါတယ်။ ယခုမှာတော့ စျေးကုန်းဆရာတော်ဘုရားကြီးရဲ့ မီးမခဘဲ ရွှေရောင်အဖြစ် ကျန်ရစ်တော်မူခဲ့တဲ့ အံသွားတော်၃ခုဆိုပြီး သတင်းအမှားတွေ လူမှုကွန်ယက်ထက်မှာ ပျံနှံ့လာနေခဲ့ပါတယ် ။ ပြည်သူတစ်ယောက်ကတော့ အဆိုပါအံသွားတွေဟာ စျေးကုန်းဆရာတော်ကြီးရဲ့ အံသွားတွေမဟုတ်ဘဲ သွားတုတွေသာဖြစ်တဲ့အကြောင်း ချက်ကျလက်ကျရှင်းပြလိုက်ပါတယ်။
ပြည်သူတစ်ဦးက " ရွှေရောင်အဖြစ် ကြွင်းကျန်ရစ်တဲ့ အံသွားတော် မဟုတ်ပါ သွားတုစိုက်ထားတာပါ dental bridge လို့ခေါ်ပါတယ် သတ္တုစပ်ဖြစ်လို့ မီးမလောင်တာပါ (ဆရာတော်ကြီးကို မကြည်ညိုလို့မဟုတ်ပါဘူး တလွဲတွေတွေးပြီး တလွဲတွေယုံကြည်နေကြမှာစိုးလို့ပါ) " ဆိုပြီး သေသေချာရှင်းပြထားခဲ့ပါတယ်။ပျံလွန်တော်မူသွားတဲ့ စျေးကုန်းဆရာတော်ကြီးဟာ နိုင်ငံတော်အကြီးအကဲတွေများစွာကိုးကွယ်ကြတဲ့ ဆရာတော်ကြီးတစ်ပါးပဲဖြစ်ပါတယ်။
Source -Orginal Upload