ပြည်သူ(၁)သိန်းကျော်စစ်ဘေးရှောင်နေရတာကြောင့် စစ်ကောင်စီတပ်တွေနဲ့ အပစ်အခတ်ယာယီရပ်ဆိုင်းလိုက်ကြောင်း ထုတ်ပြန်ကြေငြာလိုက်တဲ့ KNDF

အာဏာသိမ်းမှုဖြစ်ပွားအပြီး ကယားပြည်နယ်အတွင်း ပြည်သူကာကွယ်ရေးတပ်ဖွဲ့(KNDF)နဲ့ စစ်ကောင်စီတပ်တွေအကြား တိုက်ပွဲတွေပြင်းထန်စွာဖြစ်ပွားနေပြီး နှစ်ဖက်လူထိခိုက်သေဆုံးမှုတွေလည်းရှိခဲ့ပါတယ်။ အဆိုပါတိုက်ပွဲတွေကြောင့် အိုးအိမ်တွေကို စွန့်ခွာပြီးဘေးလွတ်ရာကို ထွက်ပြေးတိမ်းရှောင်နေရတဲ့ ပြည်သူတွေလည်း အများအပြားရှိနေခဲ့ပါတယ်။ အဆိုပါတိုက်ပွဲတွေအတွင်း လူနေအိမ်နဲ့ အဆောက်အဦးတွေများစွာပျက်စီးခဲ့ပြီး အချို့စစ်ဘေးရှောင်ပြည်သူတွေဆိုရင် ပြန်စရာနေအိမ်တောင်မရှိတော့ကြောင်း သိရပါတယ်။

ယနေ့မှာတော့ ပြည်သူ့ကာကွယ်ရေးတပ်(KNDF)ဟာ စစ်ကောင်စီတပ်တွေနဲ့ အပစ်အခတ်ယာယီရပ်ဆိုင်းလိုက်ကြောင်း ထုတ်ပြန်ကြေငြာလိုက်ပါတယ်။ တိုက်ပွဲတွေကြောင့် မြို့ရွာများစွာထိခိုက်ပျက်စီးနေရတဲ့အပြင် ပြည်သူ(၁)သိန်းကျော်စစ်ဘေးရှောင်နေရတာကြောင့် ငြိမ်းချမ်းရေးအဖွဲ့အစည်းများနဲ့ ဘာသာရေးခေါင်းဆောင်များရဲ့ စီစဥ်ဆောင်ရွက်မှုများကို လက်သင့်ခံပြီး အခုလိုအပစ်အခတ်ရပ်ဆိုင်းလိုက်တာဖြစ်ကြောင်း ပြည်သူ့ကာကွယ်ရေးတပ်ဖွဲ့က ထုတ်ပြန်ထားခဲ့ပါတယ်။

ပြည်သူ့ကာကွယ်ရေးတပ်(KNDF)ကတော့ ပြည်သူများအနေနဲ့ စည်းလုံးညီညွတ်မှု၊ ပြင်ဆင်မှုနဲ့ လုံခြုံရေးသတိရှိကြဖို့ တိုက်တွန်းလိုက်ပါတယ်။PKPFရဲ့ ထုတ်ပြန်ချက်အရ အာဏာသိမ်းတဲ့ ဖေဖော်ဝါရီလမှ ယနေ့အချိန်ထိ ကယားပြည်နယ်အတွင်း အပြစ်မဲ့ပြည်သူ (၅၅)ဦးသေဆုံးခဲ့ပါတယ်။ အဆိုပါသေဆုံးသွားသူတွေထဲမှာ အမျိုးသမီးတွေလည်းပါဝင်နေသလို ဖျားနာပြီးဆေးဝါးမလုံလောက်မှုကြောင့် သေဆုံးသွားခဲ့ရတဲ့ ကလေးငယ်လေးတစ်ယောက်လည်း ပါဝင်နေခဲ့တာဖြစ်ပါတယ်။

Source :  Original Uploder