မနေ့ကတော့ မင်းတပ်ပြည်သူ့ကာကွယ်ရေးတပ်ဖွဲ့(CDF)ဟာ အန္တရာယ်တွေမျိုးစုံကိုဖြတ်ကျော်ပြီး မင်းတပ်မြို့နယ်၊ ဘုရားစခန်းကျေးရွာထဲကိုဝင်ရောက်ကာ စိတ်ကျန်းမာရေးမကောင်းတဲ့ အမျိုးသားနဲ့ အမျိုးသမီးကို သွားရောက်ဆေးကုသပေးခဲ့ပါတယ်။ (၁၀.၆.၂၁)ရက်နေ့က ဘုရားစခန်းကျေးရွာထဲကို စစ်ကောင်စီတပ်ဖွဲ့တွေဝင်ရောက်လာပြီး စိတ်ကျန်းမာရေးမကောင်းတဲ့ ဦးမာန်မောင်းကို လက်ပြန်ကြိုးတုပ်ကာ ရိုက်နှက်ခဲ့တာဖြစ်ပါတယ်။
အဆိုပါရိုက်နှက်ခံရမှုကြောင့် အသက်(၄၇)နှစ်အရွယ်ရှိပြီဖြစ်တဲ့ ဦးမာန်မောင်းတစ်ယောက် ဦးခေါင်းနဲ့ခြေထောက်တွေမှာ ဒဏ်ရာတွေရရှိခဲ့ပါတယ်။ စစ်ကောင်စီတပ်ဖွဲ့ဝင်တွေရဲ့ ပစ်ခတ်မှုကြောင့် အသက်(၆၃)နှစ်အရွယ်ရှိပြီဖြစ်တဲ့ စိတ်မကျန်းမာသူဒေါ်ဂေစိမ်းငှိမ်းဟာလည်း ညာဘက်ပေါင်နဲ့ ခြေသလုံးတွေမှာ ကျည်ဆံထိမှန်ခဲ့ပါတယ်။ အကြောင်းကတော့ ဒေါ်ဂေစိမ်းငှိမ်းဟာ ဆိုလာပြားတတ်ဖြုတ်နေတဲ့ စစ်ကောင်စီတပ်သားကို မဖြုတ်ဖို့လှမ်းအော်ပြောရင်း အခုလိုပစ်ခတ်ခံခဲ့ရတာဖြစ်ပါတယ်။
ယခုမှာတော့ စိတ်ကျန်းမာရေးမကောင်းသူဒေါ်ဂေစိမ်းငှိမ်းရဲ့ သေနတ်ဒဏ်ရာကို ခွဲစိတ်ကုသပေးလိုက်ပြီလို့ သိရပါတယ်။ ပြည်သူ့ကာကွယ်ရေးတပ်ဖွဲ့ဝင်တွေရဲ့ ဆေးကုသပေးမှုကြောင့် အဆိုပါစိတ်ကျန်းမာရေးမကောင်းသူ(၂)ယောက်စလုံး စိုးရိမ်စရာအခြေအနေမရှိတော့ကြောင်း မင်းတပ်မြို့ပြည်သူ့အုပ်ချုပ်ရေး သတင်းအဖွဲ့က ထုတ်ပြန်ထားခဲ့ပါတယ်။ စိတ်ကျန်းမာရေးမကောင်းတဲ့ လူ(၂)ဦးဆီ သွားရောက်ပြီး ဆေးကုသမှုပေးနေတဲ့ CDFတပ်ဖွဲ့ဝင်တွေရဲ့ ပုံရိပ်တွေကို ပြန်လည်ဖော်ပြပေးလိုက်ရပါတယ်။
Source -Orginal Upload