တိုက်ပွဲတွေကြားမှာ မြေစာပင်ဖြစ်ခဲ့ရတဲ့ ကရင်နီပြည်သူတွေရဲ့ နေအိမ်များနဲ့ မြင်ရက်စရာမရှိတဲ့ အသက်မဲ့ခန္ဓာကိုယ်တွေရဲ့ ဗီဒီယိုဖိုင်

ကယား(ကရင်နီ)ပြည်နယ် အတွင်းမှာရှိတဲ့ ဒီးမော့ဆို မြို့‌မှာ ဆိုရင် ပြည်သူ့ ကာကွယ်ရေးတပ်တွေနဲ့ စစ်ကောင်စီတို့ တိုက်ပွဲတွေ ဆက်တိုက်ဖြစ်ပေါ်နေပြီး ဒေသခံတွေက လွတ်မြောက်ရာ စစ်ဘေးရှောင် စခန်းတွေဆီကို ထွက်ပြေး ခိုလှုံနေရတာပါ။ အာဏာရှင်လူတစ်စုကလည်း အင်အားအလုံး အရင်းဖြင့် မြို့တွေပေါ်အထိ တက်ကာ လက်နက်ကြီးတွေနဲ့ ကျောင်းတွေ ၊ လူနေအိမ်တွေ ၊ ဘုရားကျောင်းတွေထိပါ ပစ်ခတ်လျက်ရှိပါတယ်။

ပြည်သူ့ကာကွယ်ရေးတပ်တွေ အနေနဲ့လည်း ရရာလက်နက် ဆွဲကိုင်ကာ အစွမ်းကုန် ခုခံ တော်လှန်နေကြပေမယ့် လက်နက်အင်အား မမျှတ တာကြောင့် ခုဆိုရင် ပြည်သူတွေရဲ့ စည်းစိမ် ဥစ္စာတွေအထိပါ ဖျက်ဆီးခံနေရတာဖြစ်ပါတယ်။ အပြစ်မဲ့တဲ့ ပြည်သူတွေ ရဲ့ အိုးအိမ်စည်းစိမ်တွေ များစွာပျက်ဆီး ဆုံးရှုံးနေရသလို ခုခံတိုက်ခိုက်ရင်း ကြွေလွင့်သွားရတဲ့ သူရဲကောင်းတွေလည်း များစွာရှိနေပါတယ်။ 

ကယားပြည်နယ်မှာ နေထိုင်ကြတဲ့ ဒေသခံတွေကတော့ တိုက်ပွဲတွေကြားမှာ မြေစာပင်ဖြစ်ခဲ့ရတာမို့ ပြည်မက ပြည်သူတွေကလည်း သူတို့လေးတွေအတွက် ထပ်တူဝမ်းနည်းနေကြတာပါ ။  ဒီအခြေအနေတွေပြီးသွားရင်တောင် နေလို့မရအောင် ပျက်စီးနေတဲ့ အိမ်တွေနဲ့ မြင်ရက်စရာ မကောင်းလောက်အောင် ပုပ်ပွနေတဲ့ အသက်မဲ့ခန္ဓာကိုယ်တွေကိုလည်း ဒီဗီဒီယိုလေးထဲမှာတွေ့မြင်ရမှာပါ ။ ဒါ့အပြင် ဒီလိုအခြေအနေဆိုးတွေနဲ့ ကြုံတွေ့နေရတဲ့ ဒေသခံတစ်ဦးကလည်း " မြို့၊ရွာထဲမှာ တိုက်ပွဲဖြစ်လို့ ပြည်သူတွေ ထွက်ပြေးခိုလှုံနေတဲ့ တော တောင်တွေထဲမှာ အကြမ်းဖက်စစ်ကောင်စီမှ အင်အားအလုံးအရင်း ဖြင့်စစ်ကြောင်းထိုးစစ်ဆင်ရေးပြုလုပ်ပြီး ''မိမိနေအိမ်မှာပြန်နေကြပါ ငါတို့ဘာမှမလုပ်ဘူး'' တဲ့ပြန်လာနေဖို့အိမ်က သူတို့လက်နက်ကြီးငယ်တွေနဲ့ ပစ်ခတ်လို့ ပြည်သူနေအိမ်အများအပြား ပျက်စီးဆုံးရှုံးခဲ့သည် ပြည်သူတွေဘယ်လိုပြန်နေရဲမလဲ အချို့ပြည်သူတွေနေစရာ အိမ်တောင်မရှိတော့ဘူး....." လို့ဆိုကာ သူရဲ့ ရင်တွင်းခံစားချက်လေးကိုလည်း ပြောကြားထားပါတယ်။ ပရိသတ်ကြီး အတွက် ကယားပြည်နယ်ရဲ့ လက်ရှိ အခြေအနေ ဗီဒီယိုလေးကို ဝေမျှပေးလိုက်ပါတယ် ။