Facebook ပေါ်မှာ စားကောင်းသောက်ဖွယ်တွေမြင်တိုင်း သူတို့စားရတဲ့ ထမင်းကြမ်းနဲ့ခရမ်းကျွတ်သီးကို မျက်လုံးထဲပြန်မြင်ယောင်လာတယ်ဆိုတဲ့ လူငယ်တစ်ဦး

ပြည်သူလူထုကတော့ တစ်လပြီးတစ်လ ကြာမြင့်နေပြီဖြစ်တဲ့ ဒီအခြေအနေကြီးကို အားတင်းပြီး တောင့်ခံနေကြဆဲဖြစ်ပါတယ်။ဒီကာလမှာ ပျက်ဆီးဆုံးရှုံးမှုတွေလည်းရှိသလို အသက်ပေးလိုက်ရတဲ့ သူရဲကောင်းတွေလည်းရှိပါတယ်။လတ်တလောမှာဆိုရင် လူငယ်သူရဲကောင်းတွေက တောထဲမှာ ဒုက္ခဆင်းရဲတွေကို ကြံ့ကြံ့ခံရင်ဆိုင်ပြီးရည်မှန်းချက်ပန်းတိုင်ကို ရောက်ဖို့အတွက် စစ်ပညာသင်ယူနေကြတာဖြစ်ပါတယ်။ပြည်သူတိုင်းနီးပါးကလည်း မိမိနိုင်ရာဝန်ကိုထမ်းပြီး အောင်ပွဲခံနိုင်ဖို့အတွက် ကြိုးစားနေကြတာဖြစ်ပါတယ်။

အခုဆိုရင်တော့ CDM လုပ်ထားတဲ့ ပြည်သူတစ်ဦးက သူ့ရဲ့ရင်တွင်းခံစားချက်တွေကို ဖွင့်ဟလာတာဖြစ်ပါတယ်။သူတို့မိသားစုက မပြည့်စုံပေမယ့်လည်း CDM စလုပ်တဲ့အချိန်ကတည်းက ဘယ်ထောက်ပံ့ကြေးမှ မယူခဲ့တာဖြစ်ပါတယ်။မချမ်းသာပေမယ့်လည်း သူ့ထက်ပိုခက်ခဲနေတဲ့မိသားစုတွေမပြေလည်မှာစိုးလို့ မယူခဲ့တာဖြစ်ပါတယ်။အဲ့ဒီပြည်သူကတော့ မိသားစုစားဝတ်နေရေးအတွက် ကြာဇံကြော်၊ခေါက်ဆွဲကြော် ရောင်းပြီး ရှာဖွေစားသောက်ခဲ့တာဖြစ်ပါတယ်။အဲ့ဒီနောက်ပိုင်းမှာ သူ့ရဲ့နာမည်နဲ့ ဖမ်းဝရမ်းအထုတ်ခံရတာကြောင့် လွတ်မြောက်နယ်မြေကိုရောက်ဖို့အတွက် မိခင်ရဲ့ရွှေနားကပ်လေးကို ချွတ်ရောင်းပြီး ခရီးစရိတ်ပြုလုပ်ခဲ့ရတာဖြစ်ပါတယ်။

လွတ်မြောက်နယ်မြေကို ရောက်တဲ့အခါမှာ လက်နက်ကိုင်ခဲ့ပြီး ဒီမိုကရေစီရရှိဖို့အတွက် ကြိုးစားနေတာဖြစ်ပါတယ်။ဒါပေမယ့် သူ အွန်လိုင်း ခဏသုံးတဲ့အချိန် Facebook ပေါ်မှာ စားကောင်းသောက်ဖွယ်တွေ၊လက်ဆောင်ပစ္စည်းတွေ တွေ့လို့  သူတို့စားခဲ့ရတဲ့ ထမင်းကြမ်းနဲ့ ခရမ်းကျွတ်သီးတွေကို မျက်လုံးထဲပြန်မြင်လာခဲ့တယ်လို့ ဖွင့်ဟလာတာဖြစ်ပါတယ်။မြို့ပေါ်မှာ စည်ကားနေသလို သူတို့ဘက်မှာလည်း စစ်ဘေးရှောင်တွေစည်ကားနေတာဖြစ်ပါတယ်။ပြည်သူတွေကိုပဲ အားကိုးနေရတာကြောင့် သွေးမအေးသွားကြဖို့ တောင်းဆိုလာတဲ့ စာလေးကို ပြန်လည်မျှဝေပေးလိုက်ပါတယ်။

Source&Photo Credit: Original Uploder