ယနေ့ဇွန်လ(၂၃)ရက်နေ့ကတော့ အနုပညာရှင်အသိုင်းအဝိုင်းနဲ့ အနုပညာချစ်ပရိသတ်တွေအတွက် အလွန်အံ့အားသင့်ပြီး ဝမ်းနည်းကြေကွဲရတဲ့ နေ့တစ်နေ့ပဲဖြစ်ပါတယ်။ အကြောင်းကတော့ ပရိသတ်ရင်ထဲရောက်စေခဲ့တဲ့ သီချင်းကောင်းလေးတွေများစွာကို သီဆိုခဲ့တဲ့ အဆိုတော်ရေမွန်တစ်ယောက် ရုတ်တရက်ဆုံးပါးသွားခဲ့တာဖြစ်ပြီး ပရိသတ်တွေက ယူကျုံးမရဖြစ်ကာ ဝမ်းနည်းနေခဲ့တာပဲဖြစ်ပါတယ်။ အဆိုတော်ရေမွန်ဟာ တောထဲမှာတိမ်းရှောင်နေရင်း အခုလိုဆုံးပါးသွားခဲ့တာပဲဖြစ်ပါတယ်။
" ဘာလိုသေးလဲ ၊ စိတ်ဖြောင့်ဖြောင့်နဲ့သာချန်ခဲ့၊ ဝမ်းနည်းတတ်တဲ့ ချစ်သူ "စတဲ့သီချင်းတွေအပြင် နာမည်ကြီးသီချင်းတွေများစွာကို သီဆိုခဲ့တဲ့ အဆိုတော်ရေမွန်ဟာ ပြည်သူတွေနဲ့အတူ အမှန်တရားဘက်ကနေ ရပ်တည်ခဲ့သူတစ်ယောက်ပဲဖြစ်ပါတယ်။ အဆိုတော်ရေမွန်ဟာ ပြီးခဲ့တဲ့အမေစုရဲ့ မွေးနေ့မှာလည်း ပန်းသပိတ်ဆင်နွှဲပြီး အမေစုကို မွေးနေ့ဆုတောင်းပေးခဲ့သေးတာပဲဖြစ်ပါတယ်။ နီနီခင်ဇော်ကတော့မကြာသေးခင်ရက်ပိုင်းလောက်က ဖြစ်သွားခဲ့တဲ့ ရေမွန်နဲ့ပတ်သက်တဲ့ အမှတ်တရတစ်ခုကို ဝမ်းနည်းစွာနဲ့ပြောပြလာခဲ့ပါတယ်။
နီနီခင်ဇော်ကတော့ " စိတ်ဖြောင့်ဖြောင့်သာ ချန်ခဲ့ပါ အကိုရေ သူဒီပုံလေးတင်တုန်းက Save ထားခဲ့မိတာ အခုဒီအချိန်မှာပြန်တင်ရလိမ့်မယ်လို့မထင်ခဲ့ပါဘူးရုတ်တရက်နှုတ်ဆက်သွားတဲ့ တန်ဖိုးရှိတဲ့ အနုပညာရှင်တစ်ဦး, သူဖန်တီးသောအရာများ လေးစားမြတ်နိုးမိသော သူရဲ့ပရိသတ်များ (ကျမအပါအဝင်)ဝမ်းနည်းငိုကြွေးကြရပါတယ်...REST IN PEACE, REST IN POWER BROTHERသေကွဲ ရှင်ကွဲ ကွဲကွာခဲ့ကြတဲ့မိသားစုတွေအတွက်ဆုံးရှုံးကြွေလွင့်ခဲ့ရတဲ့ နွေဦးပန်းတွေအတွက် "ဆိုပြီး ရေးသားထားခဲ့တာပဲဖြစ်ပါတယ်။ ဆုံးပါးသွားရှာပြီဖြစ်တဲ့ အဆိုတော်ရေမွန်တစ်ယောက် ကောင်းရာသုကတိလားပါစေကြောင်း ဆုတောင်းပေးလိုက်ရပါတယ်။
Source: Ni Ni Khin Zaw 's Facebook Page