လတ်တလောမှာဆိုရင် နိုင်ငံရေး အခြေအနေတွေ မတည်ငြိမ် သေးသလို ဖြစ်ပျက်ခဲ့တဲ့ တိုက်ပွဲ ဖြစ်စဉ်တွေမှာလည်း သတင်းအမှန်ရှိသလို အမှားတွေလည်း များစွာ ပျံ့နှံ့နေတာတွေ့ရပါတယ် ။ ပြည်သူတွေ အားလုံးကတော့ သတင်းဆိုးတွေ တက်လာတိုင်း ဝမ်းနည်း စိတ်မကောင်း ဖြစ်ကြရတာ အမှန်ပါပဲ ။ မကြာခင်ရက်ပိုင်းက မန္တလေးမှာ ဖြစ်ပွားခဲ့တဲ့ တိုက်ပွဲတွေမှာ ဆိုရင်လည်း သတင်းမျိုးစုံ ထွက်ရှိနေတာတွေ့ရပါတယ် ။
မနေ့ညကလည်း မန္တလေး PDF ခေါင်းဆောင် တစ်ယောက်ဖြစ်တဲ့ ဗိုလ်ထွန်းတောက်နိုင် အပါအဝင် အခြား ရဲဘော်တွေရော လက်နက်တွေပါ ဖမ်းဆီးထိန်းသိမ်းခံရတယ်ဆိုတဲ့ သတင်းတွေ လူမှုကွန်ရက် စာမျက်နှာထက်မှာ များစွာ ပျံ့နှံ့ ခဲ့ပါတယ် ။ ပြည်သူတွေကလည်း သတင်းတွေ ရုတ်တရက် တက်လာတာကြောင့် စိုးရိမ်စိတ်တွေ ဖြစ်ကာ သတင်းအမှားဖြစ်ပါစေ ဆုတောင်းခဲ့ကြတာကို တွေ့ရပါတယ် ။
ဒီသတင်းနဲ့ ပတ်သက်ပြီး မကြာခင်နာရီဝက်လောက်က MDY - PDF စာမျက်နှာထက်ကနေပြီး သတင်းအမှားဖြစ်ကြောင်း ခေါင်းဆောင်မှာ သူတို့နဲ့ လုံခြုံစွာ ရှိနေကြောင်းကို " မိဘပြည်သူများခင်ဗျား...ကျနော်တို့ခေါင်းဆောင် တစ်ဦးဖြစ်သူ ဗိုလ်ထွန်းတောက်နိုင်ဟာ ကျနော်တို့နဲ့အတူရှိနေပါတယ်..လတ်တလော ကျနော်တို့ အဖွဲ့အနေဖြင့်လုံခြုံရေးပိုင်းဆိုင်ရာ အခက်အခဲတချို့ကို ကိုင်တွယ်ဖြေရှင်းနေရတဲ့အတွက် page ကိုခတ္တခဏ unpublish လုပ်ထားခြင်းဖြစ်ပါတယ်.. မကြာခင်အချိန်မှာ ကျနော်တို့ကြုံတွေ့ခဲ့ရသော ဖြစ်စဥ်များနှင့် ပါတ်သက်၍ ထုတ်ပြန်သွားပါမည်.. အရေးတော်ပုံအပေါ်မှာ ထားရှိတဲ့ ကျနော်တို့ရဲ့ သစ္စာတရားအပေါ်မှာ ဘယ်တော့မှ ဖောက်ပြန်သွားမှာမဟုတ်ပါဘူး။ရပြည်သူနဲ့အတူ ဒီအရေးတော်ပုံကို အောင်မြင်တဲ့အထိ တိုက်ပွဲဝင်သွားမှာပါ.." လို့ဆိုကာ ခုလို ပြန်လည် ဖြေရှင်းထားရာ ပရိသတ်ကြီးလည်း သတင်းအမှန်သိရှိနိုင်စေရန် ပြန်လည်ဖော်ပြပေးလိုက်ပါတယ် ။