ကလေးသရုပ်ဆောင်အဖြစ် ငယ်စဉ်ကတည်းက အောင်မြင်မှုတွေရရှိထားသလို ယနေ့အချိန်ထိလည်း ပရိသတ်အားပေးချစ်ခင်မှုတွေကို ရရှိထားတဲ့ အိစိကွေးကတော့ အရေးတော်ပုံကာလကြီးမှာ ပြည်သူတွေနဲ့အတူ ရပ်တည်နေသူပဲ ဖြစ်ပါတယ်။ အိစိကွေးကတော့ လက်ရှိအခြေအနေတွေကြောင့် ပင်ပန်းခက်ခဲစွာ ရပ်တည်နေကြရတဲ့ ပြည်သူတွေအတွက်တတ်နိုင်သလောက် လှူဒါန်းမှုတွေနဲ့ ဖေးမကူညီနေသူလည်း ဖြစ်ပါတယ်......။
လူငယ်တစ်ယောက်ပီပီ အခုလိုကာလမျိုးမှာ စိတ်အားထက်သန်စွာနဲ့တစ်တပ်တစ်အားကူညီပေးနေတဲ့ အိစိကွေးကတော့ တကယ်ကိုချီးကျူးဖို့ကောင်းပါတယ်။ မြန်မာနိုင်ငံရဲ့လက်ရှိနိုင်ငံရေးအခြေအနေတွေကြောင့် စစ်ဘေးရှောင်ပြည်သူတွေလည်းများလာနေပြီး မီးဘေးကြောင့်စည်းစိမ်ဥစ္စာတွေဆုံးပါးခဲ့ရတဲ့ရွာသူရွာသားတွေလည်းရှိသလို ကုန်ဈေးနှုန်းမြင့်တက်မှုတွေနဲ့ အလုပ်အကိုင်ရှားပါးလာမှုတွေကြောင့် ဒုက္ခရောက်နေကြရတဲ့ပြည်သူတွေလည်းများစွာရှိနေတာဖြစ်ပါတယ်။
အိစိကွေးက ကိုယ်တိုင်အလှူခံကာကူညီနေတဲ့သူဖြစ်ပြီး သူ့ရဲ့ Facebookစာမျက်နှာမှာ "ရွှေဘိုဈေးမီးဘေးအတွက်ကျွန်တော် အလှူကောက်ခံရတဲ့ (၁၀)သိန်းကျပ်လှူဒါန်းခဲ့ပါတယ်ဗျ။ လမ်းစရိတ်တောင် ကိုယ့်ဘာသာပဲ စိုက်ခဲ့ပါတယ်။ဦးဇင်း Ven Pawara က(၁၀)သိန်းထဲမှ ရွှေဘိုစျေးအတွက် အလှူကိုဦးဆောင်ကြတဲ့ ဆရာတော်များအဖွဲ့အတွက် (၃)သိန်းကျပ် နှင့် ကျန်အလှူငွေများကိုရွှေဘိုဈေးမီးလောင်တဲ့အထဲမှ အချို့ခက်ခဲသော မိသားစုများအား ခွဲဝေလှူဒါန်းပေးခဲ့ပါတယ်ဗျ အားလုံးသိရအောင် အသေးစိတ် တင်ပြခြင်းဖြစ်ပါတယ် အလှူငွေကို လိုအပ်တဲ့နေရာတွေမှာ ခွဲဝေလှူဒါန်းခြင်းဖြစ်ပါတယ်ဗျ ကင်းမရွာအတွက် အလှူခံထားတဲ့ အလှူငွေတွေကိုလည်း ကိုယ့်စရိတ်နဲ့ကိုယ်ပဲ ကိုယ်တိုင်သွားရောက်လှူဒါန်းသွားပါမယ်ဗျ ??လှူဒါန်းကြတဲ့အလှူရှင်တွေကိုလည်း အထူးကျေးဇူးတင်ပါတယ်ဗျ....." ဆိုပြီးရေးသားမျှဝေထားတာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်နော်။
သတင်း အရင်းအမြစ်៖ Eisi Kway's Facebook acc