ရုပ်ရှင်ကြည့်တဲ့အခါ သဘာဝလွန်စွမ်းအားတွေရှိတဲ့ ဟီးရိုးတွေကို ပရိသတ်တွေ တွေ့ဖူးကြမှာပါ။ ဒါပေမယ့် လက်တွေ့အပြင်လောကမှာလည်း ယခုလိုထူးခြားပြီး သာမန်မဟုတ်တဲ့လူသားတွေလည်း တကယ်ရှိပါတယ်။ ဒီတစ်ခါပရိသတ်ကြီးကို ဗဟုသုတအနေနဲ့ဖော်ပြပေးမှာကတော့ လျှပ်စစ်လူသားလို့နာမည်ကြီးနေတဲ့ အိန္ဒိယလူမျိုး ရာ့ဂျ်မိုဟန်အကြောင်းပဲဖြစ်ပါတယ်။
ရာ့ဂျ်မိုဟန်ဆိုတဲ့သူဟာ သာမန်လူတစ်ယောက်တောင် သေစေနိုင်တဲ့ လျှပ်စစ်ကို သူရဲ့ခန္ဓာကိုယ်ထဲ ဖြတ်သန်းစီးဆင်းတာခံနိုင်တယ်လို့ နာမည်ကြီးနေတဲ့ သူတစ်ယောက်လည်းဖြစ်ပါတယ်။ ဒီလိုလုပ်ခြင်းဟာ သာမန်လူတစ်ယောက်အတွက်တော့ နှလုံးသွေးရပ်တန့်စေနိုင်ခြင်း၊ အရေပြားလောင်ကျွမ်းစေနိုင်ခြင်းစတဲ့ ဆိုးကျိုးတွေဖြစ်နိုင်ပေမယ့်လည်း ရာ့ဂျ်မိုဟန်ကတော့ အဆိုပါ စမ်းသပ်မှုမျိုးကို ၁၆ကြိမ်တိုင်တိုင် သရုပ်ပြခဲ့ပါတယ်။ အခုလို အသက်အန္တရာယ်ရှိလောက်တဲ့ စမ်းသပ်မှုမျိုးတွေလုပ်ပြခဲ့ေပမယ့်လည်း ရာ့ဂျ်မိုဟန်ဟာ အနာတရ နည်းနည်းလေးတောင်မဖြစ်ခဲ့ပါဘူး။
သိပ္ပံပညာရှင်တွေရဲ့စမ်းသပ်မှုတွေအရတော့ ရာ့ဂျ်မိုဟန်ရဲ့ခန္ဓာကိုယ်ဟာ သာမန်မဟုတ်ပဲ လျှပ်စစ်စီးဆင်းမှုကိုခံနိုင်တဲ့ စွမ်းအားရှိနေတာကို ထူးဆန်းစွာ တွေ့ရှိရပါတယ်။ ဒါပေမယ့်လည်း ရာ့ဂျ်မိုဟန်ရဲ့ ခန္ဓာကိုယ်ဟာ မည်သည့်အကြောင်းကြောင့် ယခုလိုလျှပ်စစ်စီးဆင်းနိုင်မှုခံနိုင်ရလဲဆိုတာ မည်သူမျှတိတိကျကျအဖြေမထုတ်နိုင်ကြသေးပါဘူး။
သတင်း အရင်းအမြစ်៖ Cracked
Bong I.T