ဒီတစ်ခါ ဖော်ပြပေးမှာကတော့ တစ်နှစ်ပတ်လုံး မိုးအမြဲရွာနေတဲ့ ဒေသလေးတစ်ခုအကြောင်းပဲ ဖြစ်ပါတယ်။ ဒီဒေသလေးကတော့ အိန္ဒိယနိုင်ငံ အရှေ့မြောက်ပိုင်း မက်ခါလေယာ ပြည်နယ်ထဲမှာရှိတဲ့ မော်ဆင်ရမ်(Mawsynram) ဆိုတဲ့ရွာငယ်လေးဖြစ်ပါတယ်။ ဒီရွာလေးမှာ တစ်နှစ်ပတ်လုံး မိုးအမြဲရွာလေ့ရှိပြီး အဲ့ဒီမှာနေတဲ့ သူတိုင်းဟာ အပြင်သွားတိုင်း ထီးဖြစ်ဖြစ် မိုးကာဖို့တစ်ခုခုကို အမြဲယူသွားကြရပါတယ်။
ဒီဒေသလေးမှာ အမြဲ မိုးရွာနေရတဲ့ အကြောင်းလေးကတော့ ရွာလေးရဲ့ ပတ်ပတ်လည်မှာ ဟိမဝန္တာတောင်တန်းကြီးက ဝန်းရံထားပြီး ဒီတောင်တန်းကြီးက တိမ်တိုက်တွေ ရွေ့လျားသွားနေတာကို ပိတ်နေသလို ဖြစ်သွားတာကြောင့် မိုးအမြဲရွာနေရတာလည်း ဖြစ်ပါတယ်။ တစ်နှစ်ပတ်လုံး မိုးရွာလျက်ရှိပြီး ဒီဇင်ဘာလ နဲ့ ဇန်နဝါရီလကတော့ ဒီဒေသရဲ့ မိုးအနည်းဆုံးကာလဖြစ်ပါတယ်။
ဘယ်လောက်တောင် မိုးရွာသလဲဆိုရင် ဒီဒေသလေးမှာ နှစ်စဉ်ရွာတဲ့ မိုးရေချိန်တွေဟာ ၄၆၇လက်မဖြစ်ပြီး ၁၉၈၅ခုနှစ်တုန်းကတော့ လက်မ ၁၀၀၀ အထိ မိုးရွာသွန်းခဲ့လို့ ကမ္ဘာ့စံချိန်တင်သွားတဲ့အထိတောင် ဖြစ်ခဲ့ရပါတယ်။ မိုးရာသီကိုကြိုက်နှစ်သက်တဲ့ သူတွေအတွက်တော့ ဒီရွာလေးဟာ နေချင်စရာလေးဖြစ်နေမှာပါ။ ရွာလေးဟာလည်း မိုးအမြဲရွာနေပေမယ့် သူ့အလှနဲ့သူတော့ ရှိပါတယ်။
သတင်း အရင်းအမြစ်៖ Daily Mail