နယူးဇီလန်နိုင်ငံမှာရှိတဲ့ Kakapo ကြက်တူရွေးတွေကို ကမ္ဘာ့အကြီးဆုံး ကြက်တူရွေးမျိုးအဖြစ် သတ်မှတ်ထားကြပါတယ်။ Kakapo ကြက်တူရွေးတွေဟာ အရွယ်ပမာဏကြီးမားသလို ကမ္ဘာပေါ်မှာ မပျံသန်းနိုင်တဲ့ တစ်မျိုးတည်းသော ကြက်တူရွေးမျိုး ဖြစ်ပါတယ်။ ကိုယ်ခန္ဓာကြီးမားပေမယ့် အတောင်သေးငယ်သဖြင့် မပျံနိုင်ခြင်း ဖြစ်သလို အဲ့လို မပျံနိုင်ခြင်းကြောင့်လည်း မျိုးတုန်းပျောက်ကွယ်ဖို့ နီးစပ်လာရခြင်းပါပဲ။
ဒါပေမယ့် ကမ္ဘာပေါ်မှာ အသက်အရှည်ဆုံး နေထိုင်နိုင်တဲ့ ငှက်မျိုးအဖြစ် ပါဝင်နေပြီး ပျမ်းမျှသက်တမ်းအားဖြင့် (၉၅) နှစ်ထိ အသက်ရှည်ပါတယ်။ ကမ္ဘာဦး တိရိစ္ဆာန်မျိုးစိတ်များထဲမှာ ပါဝင်တဲ့ ကြက်တူရွေးလည်း ဖြစ်ပါတယ်။ အစိမ်းရောင် အရောင်အဆင်းရှိပြီး အသီးအရွက်စား တိရိစ္ဆာန်ပါ။ အရွယ်ပမာဏအားဖြင့် အထီးတွေဟာ ၂၄ လက်မအထိရှိပြီး ၄ ပေါင် နှင့် ၉ ပေါင်ကြား အလေးချိန်ရှိပါတယ်။
ယခုအခါ မျိုးတုန်းတော့မည့် အန္တရာယ်နဲ့ ရင်ဆိုင် နေရတာေကြာင့် ကမ္ဘာ့အရှားပါးဆုံး စာရင်းဝင်ဖြစ်နေပြီး ၂၀၁၂ စာရင်းအရ အကောင်ရေ (၁၂၆) ကောင်သာ ရှိပါတော့တယ်။ နယူးဇီလန်အစိုးရလည်း Kakapo ကြက်တူရွေးများကို ဘေးမဲ့တောတစ်ခု ဖန်တီးပေးထားပြီး ထိန်းသိမ်းစောင့်ရှောက်ထားရပါတယ်။ ကမ္ဘာဦးအစကထဲကဆိုပေမယ့်လည်း မျိုးရိုးပြောင်းသွားတာကြောင့် ခုချိန်ထိ အသက်ရှင်တဲ့အကောင်တွေရှိနေသေးတာပဲ ကံကောင်းလှပါတယ်။
သတင်း အရင်းအမြစ်៖ History
Bong I.T