ခုဆိုရင် ကိုဗစ်ရောဂါကူးစက်မှုတွေ များလာတာကြောင့် အောက်ဆီဂျင်လိုအပ်နေတဲ့ လူနာတွေလည်း မနည်းပါဘူး ။ နေ့ရော ညရော လူမှုကွန်ရက် စာမျက်နှာတွေ အထက်မှာလည်း အောက်ဆီဂျင် အကူအညီတွေ တောင်းနေကြတာ စိတ်မကောင်းစရာတွေပါပဲ ။ ဒါကြောင့်လည်း စေတနာရှင် ပြည်သူတွေ စုပေါင်းပြီး အောက်ဆီဂျင် လုံလောက်မှုရှိစေရန် ဝယ်ယူ လှူဒါန်းမှုတွေ အစွမ်းကုန် လုပ်ဆောင်နေကြပါတယ် ။ 

Photo Credit : Original Uploader 

ခုလောလောဆယ်မှာတော့ အဆင်ပြေသလိုပဲ ရှာကြံကာ အခက်အခဲတွေကို ဖြေရှင်းနေကြရပါတယ် ။ တစ်ချို့ကလည်း မိမိမှာရှိတဲ့ အောက်ဆီဂျင်အိုးတွေကို ငှားရမ်းကာ ၊ ရောင်းပေးနေတာတွေ့ရပါတယ် ။ ဒီလို အောက်ဆီဂျင်အိုးတွေ ရောင်းဝယ်ကြရာမှာလည်း တစ်ချို့ အတ္တသမားဆန်တဲ့ လူတစ်စုက လူနာအသည်းအသန်ဖြစ်နေတာကို အခွင့်ကောင်းယူပြီး လိမ်ညာရောင်းချနေတာကို ခဏခဏတွေ့နေရကာ တကယ်စိတ်မကောင်းစရာ ဖြစ်ရပ်တွေပါပဲ ။

Photo Credit : Original Uploader

မနေ့ကဆိုရင်လည်း ပြည်သူတစ်ယောက် အလှူခံလို့ရတဲ့ ငွေလေးနဲ့ လူနာအတွက် အောက်ဆီဂျင်အိုးကို ရှာပြီး ဝယ်ယူခဲ့ရာ လိမ်ရောင်းခံလိုက်ရတာကြောင့် ရှူပြီး သုံးမိနစ်အတွင်း သေဆုံးခဲ့ရတယ်ဆိုတဲ့ ပို့စ်လေးတစ်ခုကို တွေ့ရပါတယ် ။ ဒါ့အပြင် ကွယ်လွန် ချိန်မှာ ခြေထောက်တွေ မျက်နှာတွေလည်း မဲသွားတယ်လို့ ရေးသားထားပါသေးတယ်။ တကယ်ကို မလုပ်သင့်တဲ့ လုပ်ရပ်တွေမို့ ပရိသတ်ကြီးလည်း ဒီသတင်းလေးကို ကြည့်ရှုနိုင်စေရန် ပြန်လည်ဖော်ပြပေးလိုက်ပါတယ် ။

Photo Credit : Original Uploader

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။