ပြန့်ပွားကူးစက်မှုတွေ ဆိုးရွားနေတဲ့ Covid 19 ရောဂါကြောင့် ပြည်သူတွေမှာ နေ့စဉ်နဲ့အမျှ သေဆုံးမှု များပြားနေတာကြောင့် ပြည်သူတွေက အချင်းချင်း ကူညီဖေးမနေကြတာ ဖြစ်ပါတယ်..။
လက်ရှိကာလတွေမှာ စာနာမှုတွေနဲ့ ဖေးမကူညီနေတဲ့ ပရဟိတလူငယ်တွေ ရှိကြသလို ကိုယ်ကျိုးစီးပွားအတွက် အခြားလူအသက်တွေကို လောင်းကြေးထပ်ပြီး လိမ်ညာနေကြတဲ့ မသမာသူတွေလည်း ရှိနေတာ တွေ့ရပါတယ်..။
အခုတစ်ခါမှာလည်း မြေနီကုန်း၊ ရှမ်းကုန်းလမ်းမှာ ကားပေါ်က အောက်ဆီဂျင်အိုးတွေချနေတဲ့အချိန် ကားကိုခိုးယူမောင်းပြေးသွားတာကို ကြုံတွေ့ခဲ့ရတဲ့ ပြည်သူတစ်ဦးရဲ့ အဖြစ်အပျက်အကြောင်းကို သရုပ်ဆောင်နွယ်ဒါလီထွန်းက တဆင့်ပြန်လည်ပြောပြလာပါတယ်..။
ကားအမျိုးအစားကတော့ Suzuki အနက်ရောင်၊ ကားနံပါတ် YGN- 1Q/1697 ဖြစ်ပြီး ငွေသား (၁၅) သိန်းနဲ့ ဝယ်ထားတဲ့ ဆေးတွေ ကားပေါ်ပါသွားတာကြောင့် ကားကိုတွေ့ရင် ဆက်သွယ်ပေးကြဖို့ ပြည်သူတွေကို တတ်နိုင်သလောက် အကူအညီတောင်းပေးထားတာ ဖြစ်ပါတယ်..။
"ယနေ့နေ့လည်က ကားပေါ်က အောက်ဆီဂျင်အိုးတစ်ချို့ချနေရင်း ကားကိုခိုးယူမောင်းပြေးသွားတာမလို့ ဒီကားကိုတွေ့ရင် ကျနော်တို့ကိုဆက်သွယ်ပေးကြပါ။
မြေနီကုန်း၊ ရှမ်းကုန်းလမ်းမှာ ဖြစ်သွားတာပါ။
ငွေသား (၁၅) သိန်းရယ် ဝယ်ထားတဲ့
ဆေးတွေရယ်ကားပေါ်ပါသွားပါတယ်။
ကျေးဇူးပြုပြီး Share ပေးပါခင်ဗျာ။
ကားနံပါတ် YGN- 1Q/1697
Suzuki အမျိုးအစား အနက်ရောင်ဖြစ်ပါတယ်။.." ဆိုပြီး ပို့စ်တင်ကာ အကူအညီတောင်းခံထားတာ ဖြစ်ပါတယ်..။
ပရိသတ်တွေကလည်း ဒီကာလကြီးမှာ အခုလိုလုပ်တဲ့မသမာသူတွေကို အပြင်းအထန်ရှုံ့ချထားပြီး ကားပိုင်ရှင်အတွက်လည်း အမြန်ဆုံးပြန်တွေ့ဖို့ကို ဆုတောင်းပေးထားကြတာ တွေ့ရပါတယ်..။
သတင်း အရင်းအမြစ်៖ Nwe Darli Tun’s Fb Acc