လက်ရှိမှာ Covid 19တတိယလှိုင်း ကူးစက်မှုတွေကြောင့် မြန်မာပြည်အတွင်း သေဆုံးသူလူနာများ တစ်နေ့တစ်ထက်တစ်နေ့ ပိုမို များပြားလာနေပြီ ဖြစ်ပါတယ်။ ကိုဗစ်ကူးစက်မှုတွေမှာ အိမ်လုံးကျွတ်ကူးစက်မှုတွေအထိဖြစ်ပေါ်နေတာကြောင့် အပြင်လည်းမထွက်နိုင်ဖြစ်နေကြကာ ဆေးဝါးအကူအညီတွေလည်းလိုအပ်နေကြတာဖြစ်ပါတယ်။ ဒါ့ကြောင့် ခုဆိုရင် အခက်အခဲဖြစ်နေတဲ့ အိမ်တွေရဲ့ အရှေ့မှာ အစားအစာ လိုအပ်ရင် အလံ အဖြူ ထောင်ကြသလို ဆေးဝါးလိုအပ်ရင် အလံအဝါလေးထောင်ကာ အကူအညီတောင်းခံလာကြတာကိုတွေ့ရပါတယ်။
စေတနာရှင် ပြည်သူတွေကလည်း ဒီလို အလံထောင်ထားတဲ့ အိမ်တွေတွေ့ရင် အစားအစာတွေ ၊ ဆေးဝါးတွေကို အရောက်သွားပို့ကာ ကူညီလှူဒါန်းပေးနေကြတာကို တွေ့ရပါတယ်။ တစ်ချို့ကလည်း အလံထောင်ထားတဲ့ အိမ်တွေတွေ့တာနဲ့ ဓာတ်ပုံရိုက်ကာ လူမှုကွန်ယက်စာမျက်နှာတွေမှာတင်ပေးရင်း အကူအညီတောင်းပေးနေကြတာဖြစ်ပါတယ်.....။
ပြည်သူချင်းချင်းရိုင်းပင်းကူညီတတ်ကြတဲ့ စိတ်ထားတွေကြောင့် အခုလိုအခက်အခဲတွေကြားထဲမှာပဲ ပရဟိတလူငယ်လေးတွေအများအပြားပေါ်ပေါက်လာနေတာတွေ့ရပါတယ်။ မကြာသေးမီကလည်း ပရဟိတလူငယ်လေးတွေအဖွဲ့ဟာ အလံဝါထောင်ထားပြီးဆေးဝါးအကူအညီတောင်းခံထားတဲ့ အဘိုးနဲ့အဘွားနေအိမ်ကိုသွားရောက်ကာ ကျန်းမာရေးစောင့်ရှောက်မှုတွေပြုလုပ်ခဲ့တာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်နော်။
သတင်း အရင်းအမြစ်៖ Myanmarload