ကမ္ဘာကြီးပေါ်မှာ မိမိတို့ မြင်ဖူးနေကျ သိပ်မစိမ်းတဲ့ တိရစ္ဆာန်လေးတွေရှိမှာပါ။ ဒါပေမယ့် တချို့အကောင်တွေကိုတော့ ပုံတွေထဲ စာတွေထဲမှသာ မြင်ရတာမို့ ထူးဆန်းတဲ့အကောင်လေးတွေရှိတယ်ဆိုတာ သိရပါတယ်။ အဲ့ထဲကမှ အာဖရိကမှာသာ တွေ့နိုင်မယ့် ထူးခြားတဲ့ တိရစ္ဆာန် (၅) မျိုးကို ဗဟုသုတအဖြစ် ဖော်ပြလိုက်ပါတယ်။
Greater Kudu
Greater Kudu ဆိုတဲ့ သတ္တဝါကတော့ တောင်ဆိတ်မျိုးနွယ်ဝင်ဖြစ်ပြီး ဦးချိုအရည်ဆုံးသတ္တဝါဖြစ်ပါတယ်။ တောင်တက် ကျွမ်းကျင်ပြီး ၃၁၅ ကီလိုဂရမ် အထိ အလေးချိန်ရှိတတ်ပါတယ်။ အထီးတွေဟာ အမအုပ်စုနဲ့ရောနှောနေလေ့မရှိဘဲ မိတ်လိုက်ချိန်မှသာ ပူးပေါင်းတတ်ပါတယ်။ Greater Kudu အမတွေကတော့ အုပ်စုဖွဲ့နေတတ်ပြီး တစ်အုပ်စုမှာ (၂၅)ကောင်အထိ ရှိပါတယ်။
Okapi
Okapi သတ္တဝါကတော့ ရှားပါးလှတဲ့ သစ်ကုလားအုတ်မျိုးနွယ်ဝင် ဖြစ်ပြီး သူတို့တစ်မျိုးတည်းသာ ကမ္ဘာပေါ်မှာ ရှင်ကျန်ခဲ့ပါတော့တယ်။ အလွန်ရှားပါးပြီးမျိုးသုဉ်းဖို့အန္တရာယ်နဲ့ ရင်ဆိုင်နေရတဲ့ သတ္တဝါဖြစ်ပါတယ်။ အမြင့်မှာ ၈ ပေအထိ ရှိနိုင်ပြီး အလေးချိန်မှာ ၈၀ မှ ၃၁၀ ကီလိုဂရမ်အထိ ရှိနိုင်ပါတယ်။
Shoebill
Shoebill ငှက်ကတော့ အာဖရိကရဲ့ ရှားပါး ငှက်မျိုးဖြစ်ပြီး ထူးခြားတဲ့ ငှက်တစ်မျိုးဖြစ်ကာ ၉ လက်မလောက်အထိ အရှည်ရှိတဲ့ နှုတ်သီးကြီးကြောင့် လူတွေရဲ့ စိတ်ဝင်စားချစ်ခင်မှုကို ခံရတဲ့ ငှက်လည်း ဖြစ်ပါတယ်။ ရေကြက်မျိုးရင်းဝင် ဖြစ်ပြီး အင်းအိုင်တွေမှာ တွေ့ရလေ့ရှိပါတယ်။ငှက်ကြီးမျိုးဖြစ်ပြီး ၄ ပေအထိ အမြင့်ရှိကာ ၄ မှ ၆ ကီလိုဂရမ် အလေးချိန်ရှိတတ်ပါတယ်။ လူတွေကို ရန်ပြုတတ်ပြီး ဖွတ်၊ ကြွက်၊ ရှဥ့်-တို့ကိုလည်း တိုက်ခိုက် စားသောက်လေ့ရှိပါတယ်။
Mantled Guereza
အာဖရိကရဲ့ ရှားပါးမျောက်တစ်မျိုးဖြစ်ကာ အဖြူနဲ့အနက် အမွေးများနဲ့ အလွန်လှပပြီး အမြဲစိမ်းတောတွေရဲ့ သစ်ပင်အုပ်တွေမှာ တွေ့ရလေ့ရှိပါတယ်။ အုပ်စုလိုက်နေတတ်ပြီး ကောင်ရေ ၃ ကောင်မှ ၁၅ ကောင်အထိ ပါဝင်တတ်ပါတယ်။
Grey Crowned Crane
အလွန်လှပတဲ့ Grey Crowned Crane ငှက်ကတော့ မီးခိုးရောင်လည်ဆံမွေး အပြာရောင်၊ အဖြူရောင်ရောထားတဲ့ ခန္ဓာကိုယ်အမွှေးတွေနဲ့အတူ ဦးခေါင်းမှာလည်း ရွှေရောင်အမောက်ပါဝင်လို့ ချစ်စရာကောင်းပါတယ်။ အသိုက်ဖွဲ့နေတတ်ပြီး ရန်သူနဲ နီးတယ်လို့ ပင်ကိုယ်အသိစိတ်က သိတာနဲ့ အသိုက်ချက်ချင်း ပြောင်းတတ်ပါတယ်။ အသိုက်တစ်ခုမှာ ဥ ၂လုံးမှ ၅ လုံးအထိ ဥ တတ်ပါတယ်။
သတင်း အရင်းအမြစ်៖ Wonderlist