သရုပ်ဆောင် စိန်ဖြိုးလှိုင်နဲ့ ရီရီပွင့်ဖြူတို့ ချစ်သူနှစ်ဦးကတော့ Covid တတိယလှိုင်းမှာလည်း ပြည်သူတွေအတွက် ရပ်တည်ပြီး တတ်နိုင်သလောက် ဖေးမကူညီနေကြတာ ဖြစ်ပါတယ်..။
အနုပညာရှင်ဖြစ်သလို ဆရာဝန်တစ်ယောက်လည်း ဖြစ်တဲ့ စိန်ဖြိုးလှိုင်ကတော့ ကိုဗစ်လူနာတွေအတွက် အောက်ဆီဂျင်တွေ လှူဒါန်းကူညီနေသလို ကျန်းမာရေးနဲ့ပတ်သက်တဲ့ မေးခွန်းတွေကိုလည်း နေ့မနားညမနား ဖြေကြားပေးနေသူလည်း ဖြစ်ပါတယ်..။
ဒီကနေ့မှာလည်း စိန်ဖြိုးလှိုင်နဲ့ ရီရီပွင့်ဖြူတို့ဟာ စကားလည်းမပြောနိုင် အကြားအာရုံလည်းချို့ယွင်းနေပြီး အရေးပေါ်အောက်ဆီဂျင်လိုအပ်နေတဲ့ အဖွားအိုတစ်ဦးကို အောက်ဆီဂျင်သွားပို့ပြီး အသက်ကယ် ကူညီဖေးမခဲ့ပြန်ပါတယ်..။
အောက်ဆီဂျင်ဌားရမ်းထားတဲ့ ပထမလူနာအိမ်က တစ်အိမ်လုံးမိန်းမသားတွေပဲဖြစ်ပြီး အလံဝါလည်းထောင်ထားတာကြောင့် ကိုယ်တိုင်သွားပြန်ယူကာ အဖွားအတွက် အောက်ဆီဂျင်သွားပို့ပေးခဲ့ကြတာ ဖြစ်ပါတယ်..။
"ပုံမှန်အားဖြင့်တော့ အောက်စီဂျင်စက်ငှားတဲ့ခါ
ရှေ့လူနာဆီမှာ နောက်လူနာက သွားယူပြီး အလဲအလှယ်လုပ်ကြပါတယ်...
အခု လူနာကတော့ အလံအဝါထောင်ထားပြီး
တအိမ်လုံး မိန်းမသားတွေကြီးပဲ
အကုန်နေမကောင်းဖြစ်နေကြတယ်တဲ့..
အောက်ဆီဂျင်လိုနေတဲ့ အဘွားကလည်း
စကားလည်းမပြောနိုင်သလို အကြားအာရုံလည်းချို့ယွင်းနေတာကြောင့်...
ကိုယ်တိုင်ပဲ သွားပို့ပေးခဲ့ပါတယ်...
အဘွားနေပြန်ကောင်းပြီဆိုတဲ့ သတင်းလေးလည်း အမြန်ဆုံး ကြားရပါစေ...???.." ဆိုပြီး ဝေမျှပြောပြထားတာပါ..။
လက်ရှိကာလတွေမှာ လိုအပ်နေတဲ့ပြည်သူတွေအတွက် ကိုယ်ကျိုးစွန့်ကာ တတ်နိုင်သလောက်ကူညီနေတဲ့ စိန်ဖြိုးလှိုင်နဲ့ ရီရီပွင့်ဖြူတို့ စုံတွဲလေးကို အားလုံးက ချီးကျူးရင်း အားပေးစကားတွေနဲ့အတူ နေကောင်းကျန်းမာကြစေဖို့ကိုလည်း မေတ္တာပို့ ဆုတောင်းပေးထားကြတာ တွေ့ရပါတယ်..။
သတင်း အရင်းအမြစ်៖ SEIN PHYO & YI YI's Fb Page