ဒီကနေ့ မနက်ပိုင်းမှာ အနုပညာလောကရဲ့ ကြယ်တစ်ပွင့် ထပ်မံကြွေလွင့်သွားခဲ့ပြန်ပြီဖြစ်တဲ့ ဝါရင့်သရုပ်ဆောင် ဦးချစ်ပြုံး

လက်ရှိဖြစ်ပေါ်နေတဲ့ ကိုဗစ်တတိယလှိုင်းကို ပြည်သူအတော်များများ ကူးစက်ခံနေရပြီး ဒီရက်ပိုင်းအတွင်းမှာပဲ အနုပညာရှင်တချို့နဲ့ သူတို့ရဲ့မိသားစု၀င်တွေလည်း ကိုဗစ်ရောဂါဖြင့် ကွယ်လွန်သွားကြတာကို စိတ်မကောင်းစွာ တွေ့မြင်ရပါတယ်။ ယခုမှာလည်း မြန်မာပရိသတ်တွေနဲ့ ရင်းနှီးပြီးသားဖြစ်တဲ့ ဝါရင့်သရုပ်ဆောင် ဦးချစ်ပြုံးကိုတော့ အားလုံးသိကြမယ်လို့ထင်ပါတယ်။ သရုပ်ဆောင် ဦးချစ်ပြုံးဟာ ဒီကနေ့ ဇူလိုင်လ (၃၀) ရက် နံနက် (၁၀)နာရီခွဲလောက်မှာ ကွယ်လွန်သွားခဲ့ကြောင်း စိတ်မကောင်းစွာ ကြားသိရပါတယ်။

ဦးချစ်ပြုံးဟာ တစ်ခေတ်တခါကတည်းက အနုပညာလောကမှာ အောင်မြင်မှုတွေရရှိပြီး ပရိသတ်တွေရဲ့ ရင်ထဲမှာ နေရာယူထားတဲ့ ဇာတ်ပို့ သရုပ်ဆောင်ကောင်း တစ်ဦးပဲဖြစ်ပါတယ်။ ဒါ့အပြင် ဦးချစ်ပြုံးဟာ သရုပ်ဆောင် ဂွမ်းပုံကြီးရဲ့ ခင်ပွန်းသည်တစ်ယောက်လည်း ဖြစ်ပါတယ်။ လက်ရှိအချိန်ထိ ဦးချစ်ပြုံးဟာ ဘာရောဂါနဲ့ ကွယ်လွန်သွားတယ်ဆိုတာ အတိအကျမသိရသေးပေမယ့် ကွယ်လွန်သွားသည်ကိုတော့ အနုပညာမောင်နုမတွေရဲ့ ဖော်ပြချက်တွေအရ သိရပါတယ်။

ဒီလိုတန်ဖိုးရှိတဲ့ ဝါရင့်သရုပ်ဆောင် ဦးချစ်ပြုံးတစ်ယောက် ကွယ်လွန်သွားခဲ့တာကြောင့် အနုပညာလောကမှာ ဆုံးရှုံးမှုကြီးတစ်ခုလို့တောင် ပြောလို့ရပါတယ်။ ဦးချစ်ပြုံး ကွယ်လွန်သွားခဲ့တာကို ကြားသိရတဲ့ လုပ်ဖော်ကိုင်ဖက် အနုပညာမောင်နုမတွေကလည်း များစွာစိတ်မကောင်းဖြစ်ကြတာ တွေ့ရပါတယ်။ ကျွန်တော်တို့ Myanmarload ကလည်း ကျန်ရစ်ခဲ့တဲ့ မိသားစုဝင်တွေနဲ့ထပ်တူ ဝမ်းနည်းရပြီး သရုပ်ဆောင် ဦးချစ်ပြုံးတစ်ယောက် ကောင်းရာမွန်ရာ ရောက်ပါစေလို့ ဆုတောင်းပေးလိုက်ပါတယ်။

သတင်း အရင်းအမြစ်៖ Source - Original Upload