မနေ့ကငလျင်လှုပ်တာနဲ့ပတ်သက်ပြီး ရက်ပေါင်း(၆၀)အတွင်းမှာဖြစ်ပေါ်လာမယ့် နမိတ်ကို ဟောကိန်းထုတ်လာတဲ့ဆရာမတစ်ဦး

ဇူလိုင်လ (၂၉)ရက်နေ့ကဆိုရင်တော့ မန္တလေး၊ပြင်ဦးလွင်၊ရွေဘို၊မကွေး၊တန့်ဆည်၊စစ်ကိုင်း၊မိုးကုတ်၊လားရှိုး စတဲ့မြန်မာပြည်အထက်ပိုင်းဒေသတွေမှာ မြန်မာစံတော်ချိန် နေ့လယ် (၃)နာရီ (၁၀)မိနစ်ခန့်တွင် ငလျင် လှုပ်သွားခဲ့တာဖြစ်ပါတယ်။ငလျင်ကျမ်းမှာတော့ ဝါဆိုလတွင် ငလျင်လှုပ်တဲ့အခါ မင်းပြောင်းမင်းလွှဲကြုံရမယ်ဆိုပြီး ပြည်သူတွေက လူမှုကွန်ယက်စာမျက်နှာပေါ်မှာ ရေးသားနေကြတာကို တွေ့မြင်ရပါတယ်။ငလျင်လှုပ်တာနဲ့ပတ်သက်ပြီးဆရာမတစ်ဦးကလည်း နမိတ်ဖတ်လိုက်သေးတာဖြစ်ပါတယ်။

ဆရာမကတော့ နက္ခတ်၊အင်္ဂဝိဇ္ဇာ၊ဂြိုလ်ပိုင်စိုးမှုတွေနဲ့ ထောင့်စုံကနေ တွက်ကြည့်လိုက်တဲ့အခါမှာ ပြည်သူ့အောင်ပွဲနမိတ်ကို တွေ့ရတယ်လို့ ရေးသားထားပါတယ်။စနေဂြိုလ်ပိုင်စိုးတဲ့ ရက်မှာ ငလျင်လှုပ်တာဖြစ်လို့ စနေကို လေ့လာကြည့်တဲ့အခါ အခြေခံလူတန်းစားများနဲ့ တိုင်းသူပြည်သားတွေကို ကိုယ်စားပြုပါတယ်။ဒါ့ကြောင့် နောက်ထပ် ရက်ပေါင်း(၆၀)အတွင်း တိုင်းသူပြည်သားတွေ မျှော်လင့်နေတဲ့ တိုင်းပြည်ရဲ့အခြေအနေက အကောင်းဘက်ကိုပြောင်းလဲသွားမှာဖြစ်ပါတယ်။

ဆရာမက သူမကို နက္ခတ်ဗေဒင်ပညာသင်ပေးတဲ့ ဘဘရဲ့ ဟောကိန်းကိုလည်း ရေးသားလာခဲ့ပါတယ်။အဲ့ဒါကတော့ “ပြည်သူတွေက လက်ရှိမှာ အပူအပင်တွေရှိနေပေမယ့် ဒီငလျင်က ၄/၄ဖြစ်လို့ အဆိုးကုန်တော့မယ့်နမိတ်ကိုပြသပါတယ်။နောက်(၂)လကျော်ရင် ပြည်သူတွေရဲ့အောင်ပွဲပဲ”လို့ ဘဘက တိတိကျကျဟောထားပါတယ်။ဒါ့ကြောင့် အပူအပင်ကင်းတဲ့နေရက်လေးကို မကြာခင်ရောက်ရှိလာတော့မှာဖြစ်လို့ ပြည်သူတွေအားတက်သွားရအောင် ဒီနမိတ်လေးကို ပြန်လည်မျှဝေပေးလိုက်ပါတယ်။

Source&Photo Credit:May Thingyan Hein -Myitmakha