လတ်တလော မွန်ပြည်နယ်က၊ မြို့နယ်တချို့တွေမှာ တစ်ကျော့ပြန် ဖြစ်ပွားလာခဲ့တဲ့ ကိုဗစ်ရောဂါကူးစက်မှုတွေဟာ ပိုမိုဆိုးရွားစွာ မြင့်တက်လာခဲ့တာ ဖြစ်ပါတယ်။ ဒီလိုရောဂါကူးစက်မှုတွေ မြင့်တက်နေတဲ့ ကြားကနေ ပြီးခဲ့တဲ့ ရက်ပိုင်းက အဆက်မပြတ် မိုးရွာသွန်းမှုကြောင့် မြို့နယ်တချို့က ကျေးရွာတွေမှာ မြစ်ရေတက်ပြီး ရေကြီးရေလျှံမှုတွေကို ဖြစ်ပေါ်နေခဲ့ပါတယ်။ လက်ရှိမှာတော့ မွန်ပြည်နယ်က ပြည်သူတချို့ဟာ ရောဂါကပ်ဘေးအပြင် သဘာဝကပ်ဘေးကိုပါ ဆိုးဆိုးရွားရွား ကြုံတွေ့နေရရှာပါတယ်။
ဒါ့အပြင် မြို့နေ ပရဟိတအသင်းများက ယခုရက်ပိုင်းမှာ ကိုဗစ်လူနာတွေနဲ့ ရေဘေးသင့်ပြည်သူတွေကို အတတ်နိုင်ဆုံး ကူညီကယ်ဆယ်ရေးတွေ လုပ်ပေးနေတဲ့အပြင် အလှူရှင်များကလည်းစားနပ်ရိက္ခာများ ထောက်ပံ့လှူဒါန်းပေးနေကြတာ တွေ့နေရပါတယ်။ ယခုမှာလည်း အခက်အခဲတွေနဲ့ ရင်ဆိုင်ကြုံတွေ့နေရတဲ့ ပြည်သူတွေကို အမြဲတမ်း ကူညီထောက်ပံ့ လှူဒါန်းပေးတဲ့ ဦးဇင်းတစ်ပါးရဲ့ လူမှုကွန်ယက်မှာ ရေဘေးသင့်ပြည်သူတွေအတွက် လှူဒါန်းပေးခဲ့တဲ့ ပုံရိပ်လေးတွေကို ဖော်ပြလာတာ တွေ့ရပါတယ်။
ဒါကတော့ မွန်ပြည်နယ်၊ ကျိုက်မရောမြို့နယ်ထဲက အတ္ထရံမြစ် အရှေ့ဘက်ရှိ ရေကြီးနစ်မြုပ်နေတဲ့ ကျေးရွာတွေမှာ အခြေခံစားသောက်ကုန်များနဲ့ ကျန်းမာရေး အသုံးအဆောင်ပစ္စည်းများကို ဝေမျှလှူဒါန်းပေးခဲ့တာ ဖြစ်ပါတယ်။ လိုက်လံဝေမျှပေးတဲ့အချိန်မှာလည်း ပရဟိတသမားတွေက ခက်ခက်ခဲခဲ လှူဒါန်းပေးခဲ့ကြတာကို တွေ့ရပါတယ်။ ယခုလို ရေဘေးသင့်ပြည်သူတွေအတွက် စားသောက်စရာ လှူဒါန်းပေးခဲ့ကြတဲ့ မြင်ကွင်းတွေကတော့ ကြည်နူးစရာကောင်းလောက်ပါတယ်။
သတင်း အရင်းအမြစ်៖ Source -Ashin Thihanyana