လက်နက်ကိုင်လမ်းစဥ်ကိုရွေးချယ်ပြီး စစ်ပညာသင်ကြားကာ အာဏာရှင်ကိုတွန်းလှန်နေတဲ့ ပြည်သူတွေလည်းရှိသလို သပိတ်တွေဆင်နွှဲပြီး အာဏာရှင်အလိုမရှိကြောင်း ဆန့်ကျင်ဆန္ဒပြနေတဲ့ ပြည်သူတွေလည်းရှိကြပါတယ်။ သြဂုတ်လ(၁)ရက်နေ့ မနေ့ကတော့ မြိုင်ပြည်သူ့ကာကွယ်ရေးတပ်(PDF)နဲ့ စစ်ကောင်စီတပ်တို့ ဗဟင်းကျေးရွာမှာ အပြန်အလှန်ပစ်ခတ်မှုတွေ ဖြစ်ပွားခဲ့ပါတယ် ။ အဆိုပါပစ်ခတ်မှုတွေကြောင့် မြိုင်ပြည်သူ့ကာကွယ်ရေးတပ်ဖွဲ့ရဲ့ခေါင်းဆောင်ဖြစ်တဲ့ ကိုဖိုးဌေးတစ်ယောက် ကျဆုံးသွားခဲ့ရပါတယ်။
ကိုဖိုးဌေးဟာ အသက်နဲ့ရင်းပြီး တိုင်းပြည်တာဝန်ကိုထမ်းဆောင်ရင်း အခုလိုကျဆုံးသွားခဲ့ရတာဖြစ်ပါတယ်။ တိုင်းပြည်အတွက် စွန့်လွှတ်အနစ်နာခံသွားတဲ့ ကိုဖိုးဌေးဟာ မြိုင်မြို့နယ် NLDအလုပ်အမှုဆောင်တစ်ယောက်ဖြစ်သလို အာဏာသိမ်းမှုကို ကန့်ကွက်ဆန္ဒပြရာမှာလည်း မြိုင်မြို့သပိတ်ခေါင်းဆောင်တစ်ယောက်အဖြစ် ရပ်တည်ခဲ့သူဖြစ်ပါတယ်။ မတ်လ (၁၁)ရက် မြိုင်မြို့အကြမ်းဖက်ဖြိုခွင်းခံရပြီးချိန်မှာတော့ လက်နက်ကိုင်နည်းလမ်းနဲ့ တိုက်ထုတ်မှရမယ်ဆိုတဲ့ခံယူချက်နဲ့ ကိုဖိုးဌေးဟာ လက်နက်ကိုင်လမ်းစဥ်ကို ရွေးချယ်ခဲ့ပြီး အာဏာရှင်ကို တိုက်ထုတ်ရင်း အခုလိုကျဆုံးသွားခဲ့တာဖြစ်ပါတယ်။
တိုင်းပြည်အတွက် တာဝန်ကျေပွန်လွန်းတဲ့ မြိုင်PDFခေါင်းဆောင်ကိုဖိုးဌေးတစ်ယောက် အခုလိုကျဆုံးသွားလို့ ပြည်သူတွေက ဝမ်းနည်းကြေကွဲပြီး စိတ်မကောင်းဖြစ်နေကြပါတယ်။ မြိုင်PDFကတော့ ခေါင်းဆောင်ဖြစ်သူကိုဖိုးဌေးကျဆုံးသွားပြီဖြစ်ကြောင်းကို အတည်ပြုထုတ်ပြန်ထားခဲ့ပါတယ်။ တိုင်းပြည်နဲ့လူမျိုးရဲ့ အသက်အိုးအိမ်စည်းစိမ်ကို ကာကွယ်ရင်း အသက်ပေးလိုက်ရတဲ့ မြိုင်PDFခေါင်းဆောင်ကိုဖိုးဌေးတစ်ယောက် ကောင်းရာဘုံဘဝသို့ ရောက်ရှိပါစေကြောင်း ဆုတောင်းမေတ္တာပို့သပေးလိုက်ရပါတယ်။
Source: Original Uploder
Bong I.T