အာဏာသိမ်းမှုကို ဆန့်ကျင်ခဲ့လို့ (၄)လကျော်ဖမ်းဆီးခံခဲ့ရပြီး ယနေ့မှာပြန်လည်လွတ်မြောက်လာတဲ့ ပင်းတယမီးအိမ်ရှင်ဒေါက်တာသန်းမင်းထွဋ်

သြဂုတ်လ(၁)ရက်နေ့ မနေ့ကတော့ အာဏာသိမ်းမှုကို ဆန့်ကျင်တဲ့ CDMလှုပ်ရှားမှုမှာ ပါဝင်ခဲ့လို့ ဖမ်းဆီးခံရတဲ့ ပြည်သူအချို့ကို ပြန်လွှတ်ပေးမည်ဖြစ်ကြောင်း ထုတ်ပြန်ထားခဲ့ပါတယ်။ပြန်လွှတ်ပေးမယ့် ဖမ်းဆီးခံပြည်သူများစာရင်းတွင် ပင်းတယမီးအိမ်ရှင်ဒေါက်တာသန်းမင်းထွဋ်အပါအဝင် ဧရာဝတီတိုင်းက ပြည်သူအများအပြားပါဝင်ခဲ့ပါတယ်။ ယနေ့မှာတော့ CDMလှုပ်ရှားမှုမှာပါဝင်ခဲ့တဲ့ ပုသိမ်ဆေးရုံအုပ်ကြီး ဒေါက်တာသန်းမင်းထွဋ်(ပင်းတယမီးအိမ်ရှင်)ဟာ အကျည်းထောင်မှ ပြန်လည်လွတ်မြောက်လာခဲ့ပြီဖြစ်ပါတယ်။

အာဏာသိမ်းမှုဖြစ်ပွားအပြီး ပုသိမ်ဆေးရုံတစ်ခုလုံးCDMပြုလုပ်ခဲ့သလို ဆေးရုံအုပ်ကြီးဖြစ်တဲ့ဒေါက်တာသန်းမင်းထွဋ်ဟာလည်း CDMမှာပါဝင်ခဲ့တာဖြစ်ပါတယ်။ပုသိမ်မြို့က ပြည်သူအများအပြားရဲ့ လေးစားချစ်ခင်ခြင်းကို ခံထားရတဲ့ ပင်းတယမီးအိမ်ရှင် ဒေါက်တာသန်းမင်းထွဋ်ဟာ CDMပြုလုပ်ခဲ့တာကြောင့် နိုင်ငံတော်ဆူပူရန် လှုံ့ဆော်မှု ပုဒ်မ ၅ဝ၅ - (က)နဲ့ ဖမ်းဆီးထိန်းသိမ်းခံခဲ့ရတာဖြစ်ပါတယ်။ပုသိမ်ဆေးရုံအုပ်ကြီးဒေါက်တာသန်းမင်းထွဋ်ဟာ မတ်လ(၁၂)ရက်နေ့က ဖမ်းဆီးခံခဲ့ရတာဖြစ်ပြီး သြဂုတ်(၂)ရက်နေ့ ယနေ့မှာတော့ အခုလိုပြန်လည်လွတ်မြောက်လာခဲ့တာဖြစ်ပါတယ်။

ပြန်လည်လွတ်မြောက်လာပြီဖြစ်တဲ့ဒေါက်တာသန်းမင်းထွဋ်အတွက် ပုသိမ်ဒေသခံတွေနဲ့ ပြည်သူအများအပြားက ဝမ်းသာပျော်ရွှင်နေကြပါတယ်။ဒေါက်တာသန်းမင်းထွဋ်ရဲ့ FB Pageမှာတော့ " ပင်းတယ မီးအိမ်ရှင် ဆရာကြီး ဒေါက်တာ သန်းမင်းထွဋ်ကို ယနေ့ (၂၀၂၁)ဩဂုတ်လ (၂) ရက်နေ့ မနက် (၁၁)နာရီခန့်က ပုသိမ်မှာ အမှုပိတ်ပြီး ပြန်လည်လွတ်မြောက်လာပြီဖြစ်ကြောင်း အသိပေးအပ်ပါသည် "ဆိုပြီး ရေးသားထုတ်ပြန်ထားပါတယ်။ ဖမ်းဆီးချုပ်နှောင်ခံထားရဆဲဖြစ်တဲ့ အပြစ်မဲ့ပြည်သူတွေလည်း ဘေးအန္တရာယ်ကင်းကင်းနဲ့ အမြန်ဆုံးပြန်လည်လွတ်မြောက်ပါစေကြောင်း ဆုတောင်းပေးလိုက်ရပါတယ်။

Source: Original Uploder