ဒီကနေ့မှာလည်း နောက်ထပ်အနုပညာရှင်တစ်ယောက် ကွယ်လွန်သွားရှာပြန်ပြီဖြစ်တဲ့ ဝါရင့်ဇာတ်ပို့သရုပ်ဆောင် ဒေါ်ကြူ

ဒီရက်ပိုင်းအတွင်းမှာ အနုပညာရှင်တချို့နဲ့ သူတို့ရဲ့မိသားစု၀င်တွေလည်း ကိုဗစ်ရောဂါဖြင့် ကွယ်လွန်သွားကြတာကို စိတ်မကောင်းစွာ တွေ့မြင်ရပါတယ်။ ယခုမှာလည်း ဇာတ်ကားတော်တော်များများမှာ ကျရာဇာတ်ရုပ်တွေကို ပါဝင်သရုပ်ဆောင်ထားပြီး ပရိသတ်တွေရဲ့ အားပေးချစ်ခင်မှုတွေကို ရရှိထားတဲ့  ဝါရင့်ဇာတ်ပို့ သရုပ်ဆောင်တစ်ယောက် ဒေါ်ကြူဟာ ဒီကနေ့ သြဂုတ်လ (၂) ရက်နေ့မှာ ထပ်မံကွယ်လွန်သွားခဲ့ကြောင်း အနုပညာမောင်နုမတွေရဲ့ ဖော်ပြချက်တွေအရ စိတ်မကောင်းစွာ ကြားသိရပါတယ်။

သရုပ်ဆောင် ဒေါ်ကြူဟာ သန်လျင်မှာ နေထိုင်တာဖြစ်ပြီး အနုပညာအလုပ်တွေ ရပ်နားထားတဲ့အချိန်မှာ စျေးရောင်းကာ ဘဝကိုအေးချမ်းစွာ လျှောက်လှမ်းနေတဲ့ သူတစ်ဦးပဲ ဖြစ်ပါတယ်။ ယခု ကွယ်လွန်ချိန်မှာတော့ အသက် (၅၇) နှစ်ရှိပြီလို့လည်း သိရပါတယ်။ ဒေါ်ကြူ ကွယ်လွန်သွားခဲ့ပြီဖြစ်ပေမယ့်လည်း သူပါဝင်သရုပ်ဆောင်ခဲ့တဲ့ ဇာတ်ကားတွေကတော့ ပရိသတ်တွေရဲ့ ရင်ထဲမှာ အမြဲအမှတ်ရစေမှာတော့ အမှန်ပါ။

ဒီလို ဝါရင့်သရုပ်ဆောင် တစ်ယောက် ကွယ်လွန်သွားခဲ့တာကြောင့် အနုပညာလောကမှာ ဆုံးရှုံးမှုကြီးတစ်ခုလို့တောင် ပြောလို့ရပါတယ်။ ဒေါ်ကြူ ကွယ်လွန်သွားခဲ့တာကို ကြားသိရတဲ့ အနုပညာမောင်နုမတွေကလည်း နှမြောတသဖြစ်ပြီး များစွာစိတ်မကောင်းဖြစ်ကြတာ တွေ့ရပါတယ်။ ဝါရင့်သရုပ်ဆောင် ဒေါ်ကြူ တစ်ယောက် ကွယ်လွန်သွားခဲ့တာကြောင့် ကျန်ရစ်ခဲ့တဲ့ မိသားစုဝင်တွေနဲ့ထပ်တူ ဝမ်းနည်းရပြီး ကောင်းရာမွန်ရာ ရောက်ပါစေလို့ ဆုတောင်းပေးလိုက်ပါတယ်။

သတင်း အရင်းအမြစ်៖ Source -Wai Lu Kyaw Foundation fb Page