ရပ်ကွက်ထဲမှာ အလောင်းသွားသယ်တဲ့အခါ တစ်ချို့လူတွေက ပရဟိတအဖွဲ့တွေကို အထင်သေးရွံရှာစွာကြည့်လို့စိတ်မကောင်းဖြစ်နေရတဲ့ ဆရာတော်တစ်ပါး

ပြည်သူတွေရဲ့အခက်အခဲတွေကို ကိုယ်ချင်းစာနာပြီး ကူညီပေးနေကြတဲ့ စေတနာ့ဝန်ထမ်းတွေရဲ့ စိတ်ဓာတ်ကအရမ်းလေးစားစရာကောင်းပါတယ်။ပရဟိတအဖွဲ့တွေထဲမှာ လူကြီး၊လူငယ်မရွေး တတ်နိုင်တဲ့နေရာကနေ ပါဝင်ကြပြီး ဆရာတော်တွေလည်း ဝင်ရောက်ကူညီနေတာဖြစ်ပါတယ်။ပရဟိတအဖွဲ့တွေက PPE တွေဝတ်ဆင်ထားရလို့ ပူလောင်မှုဒဏ်ကိုခံရပေမယ့်လည်း ရုပ်အလောင်းတွေကို မနားမနေသယ်ဆောင်ပေးနေကြတာ ဖြစ်ပါတယ်။

ဘုရားသားတော်တွေကလည်း လူသားတွေရဲ့လက်ရှိအခြေအနေကို မကြည့်ရက်တော့လို့ မေတ္တာတရားအပြည့်အဝထားပေးကြတာဖြစ်ပါတယ်။အခုဆိုရင်တော့ ပရဟိတလုပ်နေတဲ့ ဆရာတော်တစ်ပါးက သူကြုံတွေ့ခဲ့ရတာနဲ့ပတ်သက်ပြီး ရင်ဖွင့်လာခဲ့တာဖြစ်ပါတယ်။ဆရာတော်ကိုယ်တိုင် ရပ်ကွက်ထဲမှာ အလောင်းသွားသယ်တဲ့အခါရပ်ကွက်နေပြည်သူတွေက Ambulance ကားဖြတ်သွားတာနဲ့ နှာခေါင်းကိုလက်နဲ့အုပ်ပြီး မြန်မြန်သွားကြတာကို တွေ့မြင်ခဲ့ရတာဖြစ်ပါတယ်။

ဒါ့အပြင် တစ်ချို့လူတွေက ပရဟိတအဖွဲ့တွေကို အထင်သေးရွံရှာတဲ့အကြည့်နဲ့ကြည့်ကြလို့ ဆရာတော်က စိတ်မကောင်းဖြစ်နေရတာဖြစ်ပါတယ်။ဒီလိုအခြေအနေတွေနဲ့ ကြုံတွေ့ခဲ့ရပေမယ့်လည်း ဆရာတော်က စိတ်ဓာတ်မကျဘဲ အသက်ခန္ဓာရှိသ၍ အလောင်းတွေကို သင်္ဂြိုလ်ပေးဦးမှာဖြစ်ပါတယ်။ဒါ့ကြောင့် ပြည်သူတွေလည်း အခုလိုကူညီပေးကြတဲ့ ပရဟိတအဖွဲ့တွေကို ကျေးဇူးတင်ပါတယ်လို့ပြောပြီး စေတနာကိုအသိအမှတ်ပြုပေးနိုင်ကြဖို့အတွက် ပြန်လည်မျှဝေပေးလိုက်ပါတယ်။

Source&Photo Credit: Original Uploder