မြန်မာပြည်သူတွေကတော့ ကိုဗစ်ရောဂါကူးစက်မှုကို အလူးအလဲခံစားနေရပြီး ပရဟိတသမားတွေဟာလည်း ပြည်သူတွေကို နေ့မနား၊ညမနားကူညီပေးနေကြပါတယ်။ စိန်ဖြိုးလှိုင်ကလည်း ဒုက္ခရောက်နေတဲ့ လူတွေကို သူတတ်နိုင်သလောက်ကူညီပေးနေသလို ကိုဗစ်နဲ့ပတ်သက်တဲ့အကြောင်းအရာတွေကိုလည်း ပြည်သူတွေသိရှိအောင် မကြာခဏ မျှဝေပေးနေသူတစ်ယောက်ပဲဖြစ်ပါတယ်။ ယခုမှာတော့ စိန်ဖြိုးလှိုင်တစ်ယောက်ဟာ ပရဟိတသမားတစ်ချို့ နည်းစနစ်မမှန်ဘဲ PPEဝတ်ဆင်ထားကြတာကို မြင်တွေ့နေရတာကြောင့် နည်းစနစ်မှန်မှန်ဝတ်ဆင်တတ်စေဖို့အတွက် ဗီဒီယိုဖိုင်လေးတစ်ခု ချပြလာခဲ့ပါတယ် ။
စိန်ဖြိုးလှိုင်ကတော့ PPEဝတ်စုံကို စနစ်တကျမဝတ်ဆင်ရင် အရမ်းအန္တရာယ်များတာကြောင့် PPEဝတ်ဆင်ပုံအဆင့်ဆင့်ကို သေသေချာချာ ပြောပြပြီး ကိုယ်တိုင်ဝတ်ဆင်ပြနေခဲ့ပါတယ်။ အဆိုပါဝတ်ဆင်ပြနေတဲ့ ဗီဒီယိုဖိုင်ဟာ ကိုဗစ်ဒုတိယလှိုင်းတုန်းက ရိုက်ကူးထားတဲ့ ဗီဒီယိုဖိုင်ဖြစ်ပြီး လွဲမှားစွာPPEဝတ်ဆင်နေကြသူတွေအတွက် အခုလိုပြန်လည်ချပြလာခဲ့တာဖြစ်ပါတယ်။သူကတော့ ပရဟိတသမားအများစုကစနစ်တကျ ဝတ်တတ်ကြပေမယ့် တစ်ချို့လူတွေကတော့ PPEကိုဝတ်ထားပြီး ခါးမှာချွတ်ချီထားတာမျိုး၊ PPE ဝတ်ထားပြီး maskကျမတပ်ထားတာမျိုး၊နည်းစနစ်မမှန်တာမျိုးတွေ တွေ့မြင်လာရကြောင်း ပြောပြလာခဲ့ပါတယ်။
PPEဝတ်စုံကို စနစ်တကျမဝတ်ဆင်ဘူးဆိုရင် ရောဂါပိုးကိုလည်း မကာကွယ်နိုင်ကြောင်း၊ ပစ္စည်းအစုံအလင်မရှိတာနားလည်ပေမယ့် ပေါ့ဆမှုကြောင့်တော့ ရောဂါမကူးစက်စေချင်တာကြောင့် ရှိတာလေးနဲ့ ရသလောက်တော့ သတိထားလိုက်နာစေလိုကြောင်းကို စိန်ဖြိုးလှိုင်က ပရဟိတလုပ်နေတဲ့ပြည်သူတွေအတွက် ပြောပြလာခဲ့တာပဲဖြစ်ပါတယ်။ PPEဝတ်ဆင်ပုံအဆင့်ဆင့်ကို သေချာပြောပြနေသလို ကိုယ်တိုင်လည်း ဝတ်ဆင်ပြနေတဲ့ စိန်ဖြိုးလှိုင်ရဲ့ ဗီဒီယိုဖိုင်လေးကို ပြန်လည်ဖော်ပြပေးလိုက်ကာ အဆိုပါဗီဒီယိုဖိုင်ကို အောက်မှာကြည့်နိုင်ပါတယ်။
Source: sein phyo & yi 's facebook page