ပရဟိတအဖွဲ့အစည်းတွေနဲ့ စေတနာရှင်လူငယ်တွေက ဒီကာလမှာ ပြည်သူတွေကို အားကြိုးမာန်တက်ကူညီပေးနေကြပေမယ့် သူတို့တွေလည်း အရမ်းပင်ပန်းနေကြပြီဖြစ်ပါတယ်။လက်ရှိအခြေအနေက ပြည်သူအချင်းချင်းဝိုင်းကူဖေးမပေးရမယ့်အချိန်ဖြစ်လို့ ပြည်သူတိုင်းနီးပါးက စည်းလုံးနေကြတာပဲဖြစ်ပါတယ်။ငွေကြေးတတ်နိုင်တဲ့ပြည်သူတွေကလည်း နေရာအစုံမှာ လှူဒါန်းနေကြသလို တချို့တွေကလည်း လုပ်အားဒါနနဲ့ ပရဟိတအလုပ်တွေကိုကိုယ်ကျိုးစွန့်အနစ်နာခံပြီး လုပ်ဆောင်နေကြတာဖြစ်ပါတယ်။
တချို့လူငယ်လေးတွေဆိုရင် ကိုဗစ်လူနာတွေအတွက် အောက်ဆီဂျင်ရရှိဖို့ တစ်နေကုန်တန်းစီစောင့်ဆိုင်းပြီးအိမ်တိုင်ရာရောက် သွားပို့ပေးကြတာဖြစ်ပါတယ်။လူငယ်လေးတွေက မနက်အစောကတည်းကနေ ည(၁၀)နာရီထိမနားမနေဘဲ ပြည်သူတွေကိုကူညီပေးတာဖြစ်ပါတယ်။လူငယ်လေးတွေက အောက်ဆီဂျင်ရဖို့ ပရဟိတအသင်းတွေမှာ လိုက်တန်းစီပေးတာဖြစ်လို့ တစ်ခါတလေ အိုးလေပေါင်မပြည့်တဲ့အခါလည်းရှိပါတယ်။ညအရမ်းနောက်မကျသေးလို့ အောက်ဆီဂျင်ကုန်သွားခဲ့ရင်လည်း နောက်တစ်ခေါက်ပြန်ရှာပေးကြပါတယ်။
ပရဟိတလူငယ်လေးတွေလည်း တွယ်တာစရာနှောင်ကြိုးတွေရှိတဲ့အပြင် အသက်တွေကိုရင်းထားရတာကြောင့် သူတို့တွေလည်း တစ်ခုခုဖြစ်မှာကြောက်ကြပါတယ်။ကိုယ်ချင်းမစာကြတဲ့ တစ်ချို့လူတွေဆိုရင် အရမ်းအရေးမကြီးဘဲ အောက်ဆီဂျင်ကို ညဘက်ကိုပို့ခိုင်းပြီး သွားပို့တော့မှ “အိပ်နေလို့၊ဖုန်းဆက်ပိတ်ထားလိို့” စတဲ့အခြေအနေတွေကြောင့် စိတ်မကောင်းဖြစ်စွာနဲ့ ပြန်လှည့်လာခဲ့ရတာတွေလည်း ရှိတယ်လို့သိရပါတယ်။အခက်အခဲများစွာနဲ့ ပြည်သူတွေကို ကူညီပေးနေတဲ့ စေတနာ့ဝန်ထမ်းတွေကို ကိုယ်ချင်းစာပေးကြပါလို့ မေတ္တာရပ်ခံရင်း ပြန်လည်မျှဝေပေးလိုက်ပါတယ်။
Source&Photo Credit: Original Uploder