နေ့စဉ်ကိုယ်တိုင်ချက်ပြုတ်ကာ ပြည်သူတွေအတွက် ဟင်းတွေလှူဒါန်းပေးခဲ့တဲ့ ဆရာတော်တစ်ပါးရဲ့ကြည်ညိုဖွယ်ပုံရိပ်များ

မြန်မာနိုင်ငံရဲ့လက်ရှိနိုင်ငံရေးအခြေအနေတွေနဲ့ ကိုဗစ်ကူးစက်မှုအခြေအနေတွေကြောင့် ပြည်သူတွေအနေနဲ့ စား၀တ်နေရေးကြပ်တည်းနေကြတဲ့အပြင် သေဆုံးသူဦးရေတွေဟာလည်း နေ့စဉ်နဲ့အမျှ ထောင်နဲ့ချီနေတာဖြစ်ပါတယ်။ အခုလို အခြေအနေအမျိုးမျိုးကြောင့် ပြည်သူချင်း ကူညီထောက်ပံ့မှုတွေပြုလုပ်နေကြပြီး တတ်နိုင်တဲ့ဘက်ကနေ ငွေကြေး၊အစားအသောက်၊ဆေးဝါးစတာတွေကို ကူညီ‌ပေးနေကြတာကိုတွေ့ရပါတယ်။

ပြည်သူတွေမှာ ပြည်သူတွေပဲရှိတာကြောင့် အချင်းချင်းကူညီရိုင်းပင်းနေကြပြီး ဘာသာပေါင်းစုံမှ အကြီးအကဲတွေကိုယ်တိုင်လည်း တတ်နိုင်တဲ့ဘက်ကနေ ကူညီပေးနေကြတာကိုတွေ့ရပါတယ်။ ကိုဗစ်လူနာတွေအတွက် ကိုယ်တိုင် PPE၀တ်စုံ၀တ်ကာ ကူညီပေးနေကြတဲ့ သံဃာတော်တွေလည်းရှိသလို ခရစ်ယာန်သာသနာပြု sisterကြီးတွေကလည်း ကူညီပေးနေတာကို တွေ့ရပါတယ်။ ဒါ့ပြင် အစ္စလာမ်ဘာသာ၀င်တွေကလည်း အောက်ဆီဂျင်အိုးတွေနဲ့ oximeterတွေကို တတ်နိုင်သ၍ဈေးလျှော့ရောင်းပေးနေကြပြီး တစ်ဖက်တစ်လမ်းကနေကူညီနေကြတာကိုတွေ့ရပါတယ်။

အခုအခါမှာလည်း သံဃာတော်တစ်ပါးဟာ ဒကာ၊ဒကာမတွေ စား၀တ်နေရေးပြေလည်စေဖို့အတွက် ကိုယ်တိုင်ချက်ပြုတ်ကာ ရပ်ရွာထဲလည်ပြီး လှူဒါန်းပေးနေတာဖြစ်ပါတယ်။ ဦးဇင်းရဲ့ မေတ္တာစေတနာတွေနဲ့ ကူညီတတ်တဲ့ စိတ်ထားလေးကတော့ တကယ်ကို ချီးကျူးဂုဏ်ယူစရာကောင်းလွန်းလှပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Myanmarload