ပြည်သူလူထုရဲ့အခက်အခဲတွေကို မျှဝေခံစားပေးနေတဲ့ ပရဟိတမင်းသမီးခိုင်နှင်းဝေကတော့ နေ့တိုင်းနီးပါး အလှူရေစက်လက်နဲ့မကွာသူဖြစ်ပါတယ်။သူမရဲ့အလှူတွေကိုတွေ့မြင်ပြီး အလှူရှင်တွေကလည်း “ခိုင်နှင်းဝေရင်သွေးလေးများဂေဟာ”မှာ လှူဒါန်းကြပါတယ်။လက်ရှိမှာဆိုရင် ခိုင်နှင်းဝေစောင့်ရှောက်ထားတဲ့ကလေးတွေကလည်း အယောက် (၃၀)ကျော်ရှိပါတယ်။နောက်ထပ် သူမဆီကိုဆက်သွယ်ပြီး မွေးစားပေးဖို့အကူအညီတောင်းခံတာတွေကိုလည်း အမှန်တကယ်အုပ်ထိန်းသူမရှိရင် ခေါ်ယူစောင့်ရှောက်ပေးခဲ့တာဖြစ်ပါတယ်။
ပြည်သူတွေကတော့ ခိုင်နှင်းဝေကို လူလည်းလှသလို စိတ်ထားလေးလည်းဖြူစင်တယ်ဆိုပြီး ချီးကျူးနေကြတာဖြစ်ပါတယ်။ခိုင်နှင်းဝေက သူမမွေးစားထားတဲ့ သားသမီးတွေအကုန်လုံးရဲ့ ပညာရေး၊ကျန်းမာရေး စတာတွေကို အစ၊အဆုံးတာဝန်ယူထားပြီး အလှူရှင်တွေရဲ့စေတနာနဲ့ လိုလေသေးမရှိအောင် ဂရုစိုက်ပေးတာဖြစ်ပါတယ်။သူမရဲ့ကလေးတွေကလည်း တဖြည်းဖြည်းနဲ့အရွယ်ရောက်လာကြပြီး သိတတ်လိမ္မာကြလို့ မွေးစားရကျိုးနပ်တဲ့ကလေးတွေပဲဖြစ်ပါတယ်။
ခိုင်နှင်းဝေက သူမရဲ့သားသမီးတွေကို ဘုရား၊တရား၊သံဃာ၊မိဘ၊ဆရာသမားတို့ကို အမြဲဦးထိပ်ထားဖို့ သင်ကြားဆုံးမပေးတာဖြစ်ပါတယ်။သူမရဲ့သင်ကြားလမ်းပြမှုကြောင့် ကလေးတွေက အခုအရွယ်မှာတင် ဘာသာတရားကိုသိနားလည်ပြီး လက်အုပ်ချီကာရှိခိုးတတ်နေပြီဖြစ်ပါတယ်။ကလေးတွေကတော့ တညီတညာတည်းထိုင်ပြီးလက်အုပ်လေးတွေချီကာ ဘုရားရှိခိုးနေကြတဲ့ပုံရိပ်လေးတွေက အရမ်းကြည်နူးစရာကောင်းလို့ ပြန်လည်မျှဝေပေးလိုက်ပါတယ်။
Source&Photo Credit:Khine Hnin Wai’s Fb page