နွေဦးတော်လှန်ရေးမှာ ကျဆုံးသွားခဲ့ရတဲ့သူရဲကောင်းတစ်ယောက်ချင်းစီတိုင်းကို ပြည်သူလူထုက အမြဲအောက်မေ့သတိရနေကြတာဖြစ်ပါတယ်။ဒီနေ့အချိန်ထိတိုင်အောင် ကျဆုံးသူရဲကောင်းတွေရဲ့မိသားစုဝင်တွေလည်း ရင်ထဲမှာတနုံ့နုံ့နဲ့ခံစားနေရဆဲပဲဖြစ်ပါတယ်။မန္တလေးမြို့မှာ (၃.၃.၂၀၂၁)ရက်နေ့က ကျဆုံးသွားတဲ့ ကြယ်စင်လေးကအသက်ငယ်ငယ်လေးနဲ့ ရဲစွမ်းသတ္တိအပြည့်ရှိလို့ ပြည်သူတွေက လေးစားနေကြတာဖြစ်ပါတယ်။
ကြယ်စင်လေးရဲ့နောက်ဆုံးခရီးကိုလည်း မိသားစုနဲ့သူငယ်ချင်းတွေအပြင် ပြည်သူအများအပြားကပါ ဝမ်းနည်းစွာနဲ့လိုက်ပါပို့ဆောင်ခဲ့ကြတာဖြစ်ပါတယ်။ကြယ်စင်လေးကျဆုံးသွားတာကို တချို့နိုင်ငံတွေကပါသိကြလို့ ဂျာမနီနိုင်ငံ၊ဘာလင်မြို့မှာဆိုရင် ကမ္ဘာကျော်နံရံပန်းချီမှာ သူရဲကောင်းမလေးရဲ့ပုံတူကို ရေးဆွဲဖော်ပြထားသေးတာဖြစ်ပါတယ်။ဒီနေ့ (၃.၉.၂၀၂၁)ရက်နေ့ကတော့ ကြယ်စင်ကျဆုံးခဲ့တာ (၆)လတိတိပြည့်သွားတဲ့နေ့ပဲဖြစ်ပါတယ်။
အသက် (၁၉)နှစ်အရွယ်လေးနဲ့ အများအကျိုးကို သယ်ပိုးဆောင်ရွက်ခဲ့ပြီး အသက်စွန့်သွားခဲ့ရတဲ့ သူရဲကောင်းမလေးကို ပြည်သူတွေက ဘယ်တော့မှမမေ့ကြတာဖြစ်ပါတယ်။သူမပုံလေးတွေကို ပြန်မြင်တိုင်းလည်း ယူကြုံးမရဖြစ်ကြပြီး နှမျောနေကြတာဖြစ်ပါတယ်။နွေဦးတော်လှန်ရေးမှာ ကျဆုံးသွားရတဲ့ သူရဲကောင်းတွေကို ပြည်သူတွေကဦးညွှတ်ကြရင်း ကြယ်စင်ရဲ့ (၆)လပြည့်နေ့လေးကို သတိတရနဲ့ လူမှုကွန်ယက်စာမျက်နှာပေါ်မှာ ရေးသားလာကြလို့ ပြန်လည်မျှဝေပေးလိုက်ပါတယ်။
Source&Photo Credit:Original Uploder