တစ်ကမ္ဘာလုံးမှာ ကိုဗစ်ကူးစက်ရောဂါတွေဖြစ်ပွါးနေဆဲဖြစ်တာကြောင့် အိမ်နီးချင်းထိုင်းနိုင်ငံကလည်း လက်ရှိအခြေအနေမှာဆိုရင် သူတို့နိုင်ငံထဲ ခိုးဝင်နေကြသူတွေကို ထိုင်းရဲတွေကသေချာစောင့်ကြပ်စစ်ဆေးပြီး ဖမ်းဆီးနေကြတာဖြစ်ပါတယ်။ပြီးခဲ့တဲ့ရက်ကဆိုရင်လည်း ထိုင်းနိုင်ငံ၊ဆာဒါအိုခရိုင်မှာ တရားမဝင်မြန်မာလုပ်သား (၁၄)ဦးကိုထိုင်းတာဝန်ရှိသူတွေကဖမ်းဆီးခဲ့တာဖြစ်ပါတယ်။ဖမ်းမိတဲ့ မြန်မာလုပ်သား (၁၄)ဦးထဲမှ (၉)ဦးကတော့ ကိုဗစ်ကူးစက်ရောဂါကိုခံစားနေရကြောင်း တွေ့ရှိခဲ့ရတာဖြစ်ပါတယ်။
တရားမဝင်ခိုးဝင်ကြတဲ့ (၁၄)ဦးထဲမှာ ကလေးငယ်တစ်ဦးပါဝင်နေခဲ့ပြီး မလေးရှားနိုင်ငံ၊ကီဒေါ့ပြည်နယ်နဲ့ ထိစပ်နေတဲ့ထိုင်းနယ်မြေအခြမ်းမှာ ရဲတပ်ဖွဲ့၊လူဝင်မှုကြီးကြပ်ရေး စတဲ့ တာဝန်ရှိသူတွေက စက်တင်ဘာလ (၁၁)ရက်နေ့မှာဖမ်းဆီးခဲ့တာဖြစ်ပါတယ်။ကိုဗစ်ပိုးတွေ့တဲ့ မြန်မာလုပ်သား (၉) ဦးကိုလည်း ကုသမှုခံယူရန် ဆေးရုံသို့ပို့ဆောင်ထားပြီး ကျန်တဲ့ (၅)ဦးကတော့ ဒုတိယအကြိမ်ကိုဗစ်ပိုးထပ်မံစစ်ဆေးထားပေမယ့် အဖြေမသိရသေးဘူးလို့သိရပါတယ်။
တရားမဝင်မြန်မာလုပ်သား (၁၄)ဦးကို ဖမ်းဆီးကြတဲ့ ထိုင်းတာဝန်ရှိသူ အယောက် (၄၀) ကလည်း ရောဂါရှိ၊မရှိစစ်ဆေးခြင်းခံခဲ့ရပါတယ်။သူတို့ဆီမှာ ကိုဗစ်ပိုးမတွေ့ခဲ့ပေမယ့် လက်ရှိမှာတော့ ထိုင်းနိုင်ငံစည်းမျဉ်းတွေအရQuarantine (၁၄) ရက်ဝင်ရမှာဖြစ်ပါတယ်။ဒီလို ကိုဗစ်ရောဂါအခြေအနေတွေကြောင့် ထိုင်းနိုင်ငံဘက်ကလည်းတရားမဝင်ခိုးဝင်သူတွေကို ဖမ်းဆီးပြီး ထိထိရောက်ရောက်အရေးယူနေကြတဲ့အကြောင်းကို ပြန်လည်မျှဝေပေးလိုက်ပါတယ်။
Source&Photo Credit:Bangkok Post’s Fb page