(၁၁)နှစ်အရွယ်ကလေးအား ဆေးကုပေးမည်ပြောကာ လိပ်တူဆက်ဆံခဲ့သည့် ဓာတ်ရိုက်ဓာတ်ဆင်ဆရာ

ဒဂုံမြို့သစ် တောင်ပိုင်းမြို့နယ် လေးထောင့်ကန်ရပ်ကွက်တွင်နေထိုင်သော ၃၅ နှစ်အရွယ်တရားလိုသည် သူ၏ဇနီးဖြစ်သူက ဇူလိုင်လ ၂၃ ရက်နေ့က နေအိမ်မှဆင်းသွားသဖြင့် အိမ်သို့ပြန်လည်ရောက်ရှိရန်အတွက် ဓာတ်ရိုက်ဓာတ်ဆင်ဆရာတစ်ဦးထံအကူအညီတောင်းပြီး ရှာခိုင်းခဲ့ရာ တစ်ရပ်ကွက်တည်းနေသူ၏ နေအိမ်တွင် ရှိကြောင်းသိရသဖြင့်နေအိမ်သို့ခေါ်ဆောင်ခဲ့သည်။ထို့နောက် (၁၁)နှစ်အရွယ်ကလေးဗိုက်ထဲတွင် အလုံးတစ်လုံးရှိသဖြင့် ဆေးကုသပေးမည်ဟုပြောကာလိင်တူဆက်ဆံခဲ့သော အသက် ၆၁ နှစ်အရွယ် ဓာတ်ရိုက်ဓာတ်ဆင်ဆရာကို သြဂုတ်လ ၂၁ ရက်နေ့တွင် ရန်ကုန်အရှေ့ပိုင်းခရိုင် တရားရုံးသို့ တရားစွဲဆိုတင်ပို့ထားကြောင်းသိရသည်။ 

ဓာတ်ရိုက်ဓာတ်ဆင်ဆရာ ဦးအောင်မင်းစိန်သည် ၁၁ နှစ်အရွယ် ခြောက်တန်းကျောင်းသားဗိုက်ကို ကိုင်ကာ ဗိုက်အတွင်းတွင် အလုံးရှိကြောင်းပြောသည်။ထို့နောက် တစ်ညဆေးကုသရမည်ဟုဆိုသဖြင့် တရားလို၏သားဖြစ်သူကို ယင်းနေ့ည၉နာရီတွင် ဓာတ်ရိုက်ဓတ်ဆင်ဆရာနေထိုင်ရာ လေးထောင့်ကန်ရပ်ကွက်သို့ပို့ဆောင်ခဲ့ ကြောင်းသိရသည်။

ည ၁၁ နာရီခန့်တွင် တရားလို၏သားဖြစ်သူ ငိုပြီးပြန်လာသဖြင့် မေးမြန်းရာ ဓာတ်ရိုက်ဓာတ်ဆင်ဆရာဦးအောင်မင်းစိန်က အတူအိပ်ကာ လိင်တူဆက်ဆံလိုက်ကြောင်း ပြန်လည်ပြောပြခဲ့သဖြင့် ဥပဒေအရအရေးယူပေး ရန်သက်ဆိုင်ရာသို့တိုင်ကြားခဲ့သည်။ဒဂုံတောင်မြို့မရဲစခန်းက (ပ)၁၄၃၀/၂၀၁၇ ရာဇသတ်ကြီးပုဒ်မ ၃၇၇ ဖြင့် အမှုဖွင့်အရေးယူထားကြောင်းသိရသည်။

သတင်းအရင်းမြစ် ဘေရႊ