“Squid Game 2” ဟာ မကြာသေးခင်က လေဆိပ်တစ်ခုမှာပြုလုပ်ခဲ့တဲ့ ရိုက်ကူးရေးနဲ့ပတ်သတ်ပြီး အငြင်းပွားမှုတွေအတွက် လူသိရှင်ကြားတောင်းပန်ခဲ့ပါတယ်။
ဇူလိုင်လ (၁၁) ရက်နေ့က အင်ချွန်းအပြည်ပြည်ဆိုင်ရာလေဆိပ်မှာပြုလုပ်တဲ့ “Squid Game 2” ရိုက်ကူးရေးနဲ့ပတ်သတ်ပြီး Instagram အသုံးပြုသူတစ်ဦးက အွန်လိုင်းပေါ်မှာ တိုင်ကြားမှုတစ်ခုပြုလုပ်ခဲ့ပါတယ်။ ရိုက်ကူးရေးပြုလုပ်နေစဥ်အတွင်း စက်လှေကားအသုံးမပြုဖို့တားမြစ်ချက်ကို ဝန်ထမ်းတွေက “ပြန်လှည့်ပါ(Go Back)” လို့သာ ပြောခဲ့တဲ့အတွက် ဖြစ်ပါတယ်။ အဆိုပါ အကောင့်ပိုင်ရှင်က ဝန်ထမ်းတွေအနေနဲ့ ဒီစကားလုံးထက် ယဥ်ကျေးတဲ့စကားလုံးတွေသာ အသုံးပြုသင့်ကြောင်း အကြံပေးခဲ့တာဖြစ်ပါတယ်။
အဆိုပါလုပ်ရပ်အပေါ် “Squid Game 2” ကိုယ်စားလှယ်တစ်ဦးက “အင်ချွန်းလေဆိပ်က ရိုက်ကူးရေးနဲ့ပတ်သတ်ပြီး သဘောမကျတဲ့ နိုင်ငံသားတစ်ယောက်ရဲ့ post ကို တွေ့ခဲ့ရပါတယ်။ ရိုက်ကူးရေးအချက်အလက်တွေကို ပေးပို့ဖို့ ငါတို့အကောင်းဆုံးကြိုးစားနေကြပါတယ်။ အဆင်မပြေဖြစ်စေခဲ့လို့လည်း တောင်းပန်ပါတယ်။ ရိုက်ကူးရေးကို နားလည်ပေးသူတွေကိုလည်း ကျေးဇူးတင်ရှိပါတယ်။ နောက်ရိုက်ကူးရေးတွေမှာ ငါတို့ပိုသတိထားမှာပါ..” လို့ တောင်းပန်ခဲ့ပါတယ်။
အခုလိုဝေဖန်မှုတွေကို ဥပက္ခာမပြုဘဲ ပြန်လည်တောင်းပန်ပေးခဲ့တာဟာ ပြည်သူတွေကို စိတ်ကျေနပ်စေခဲ့ပြီး “Squid Game 2” အပေါ် ယုံကြည်မှုပိုတိုးစေပါတယ်..။