ဇာတ်ပို့သရုပ်ဆောင်တစ်ယောက်ဖြစ်တဲ့ ပွင့်ကတော့ အနုပညာနယ်ပယ်မှာ ပရိသတ်တွေရဲ့ ချစ်ခင်အားပေးမှုတွေကို အပြည့်အဝရရှိထားခဲ့တဲ့ အနုပညာရှင်တစ်ယောက်ပဲဖြစ်ပါတယ်။ ပွင့်က အနုပညာအလုပ်တွေကို ဆယ်စုနီးပါးလောက် လုပ်ကိုင်လာခဲ့ပြီး ဗီဒီယိုဇာတ်ကားများစွာကို ရိုက်ကူးထားတာဖြစ်ပါတယ်။ လက်ရှိမှာတော့ သူမဟာ အနုပညာအလုပ်တွေအပြင် ကိုယ်ပိုင်စီးပွားရေးလုပ်ငန်းကိုလည်း လုပ်ကိုင်နေတာ တွေ့ရပါတယ်။

Photo Credit - Pwint -ပွင့် fb page
Photo Credit - Pwint -ပွင့် fb page

ပွင့်က တမူထူးခြားတဲ့ ခန္ဓာကိုယ်ကိုပိုင်ဆိုင်ထားပြီး ဝဝကစ်ကစ် ဆွဲဆောင်မှုရှိတဲ့ အပြုံးလေးတွေကြောင့် ပရိသတ်တွေက ချစ်အားပိုနေရတာ ဖြစ်ပါတယ်။ ယခုမှာတော့ ပွင့်က ပရိသတ်တွေ မမြင်ဖူးလောက်တဲ့ ချစ်စရာပုံရိပ်လေးတွေကို သူမရဲ့ လူမှုကွန်ယက်မှာ တင်ပေးလာခဲ့ပါတယ်။ ဒီပုံလေးကတော့ သူမက ကလေးဘဝတုန်းက ကရင်ဝတ်စုံလေးနဲ့ ရိုက်ထားတဲ့ အမှတ်တရပုံလေးတွေပဲ ဖြစ်ပါတယ်။

Photo Credit - Pwint -ပွင့် fb page
Photo Credit - Pwint -ပွင့် fb page

ဒီပုံလေးတွေနဲ့လည်း ပွင့်က "ပျော်ရွှင်စရာကရင်နှစ်သစ်ကူးနေ့လေးဖြစ်ပါစေ..... နော်ဘေဘီပွင့်လေး ငယ်ငယ်တုန်းကမူကြိုမှာ ကရင်ဒုံးယိမ်း ကခဲ့တုန်းကပေါ့ မောင် ညီမလေး​တို့ရေ.......ဒီကလေးမလေးက တစ်နေ့ကျရင်ယူတို့အချစ်တော် ဘေဘီပွင့်လေးဖြစ်လာလိမ့်မယ်လို့ ထင်ခဲ့ပါ့မလားရှင့် ငယ်ငယ်ကနဲ့ အခုနဲ့တူလား ဘယ်အရွယ်လေးကိုပိုချစ်လဲ မှန်မှန်ပြော" ဆိုပြီး ရေးသားဖော်ပြထားပါတယ်။ ပရိသတ်တွေလည်း ပွင့်ရဲ့ ကလေးဘဝတုန်းက ချစ်စရာပုံလေးကို သဘောကျမယ်လို့မျှော်လင့်မိပါတယ်။

သတင်းအရင်းမြစ်: Source - Pwint -ပွင့် fb page

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။