BrightWin တို့ပါဝင်သရုပ်ဆောင်မယ့် ထိုင်းဗားရှင်း F4 အကြောင်းတစေ့တစောင်း - Myanmarload

BrightWin တို့ပါဝင်သရုပ်ဆောင်မယ့် ထိုင်းဗားရှင်း F4 အကြောင်းတစေ့တစောင်း

https://s9.kh1.co/8e/8e1324fd073d201612be018ad8927f4dcab18266.jpg
ရုပ်ရှင် အညွှန်း
 04-Oct-2021 11am · 23 days ago

BrightWin တို့ပါဝင်သရုပ်ဆောင်မယ့် ထိုင်းဗားရှင်း F4 အကြောင်းတစေ့တစောင်း

မြန်မာနာမည် F4 ချစ်သူလို့ နာမည်ကြီးခဲ့တဲ့ ကိုရီးယားဗားရှင်း F4: Boys Over Flowers ကိုအားလုံးပဲသိကြမှာပါနော်။ ကိုရီးယားဗားရှင်း F4: Boys Over Flowers ဟာ ၁၉၉၂ ခုနှစ်ကထုတ်ဝေခဲ့တဲ့ ဂျပန်ရဲ့ နာမည်ကြီး manga ဖြစ်တဲ့ Hana Yori Dango ကိုအခြေတည်ရိုက်ကူးထားတာပါ။

ဇာတ်လမ်းတွဲအနေနဲ့ ဂျပန်၊ကိုရီးယား၊တရုတ် နိုင်ငံတွေမှာ ပြန်လည်မှီငြိမ်းရိုက်ကူးထားပြီး နိုင်ငံတိုင်းမှာလည်းအရမ်းကိုအောင်မြင်ခဲ့ပါတယ်။ အခုတစ်ခေါက်မှာလည်း ထိုင်းနိုင်ငံရဲ့ နာမည်ကြီးထုတ်လုပ်ရေးကုမ္ပဏီ GMMTV ကပြန်လည်ရိုက်ကူးမယ်လို့ကြေညာထားပါတယ်။ F4 Thailand : Boys Over Flowers က GMMTV နှင့် Parbdee Taweesuk တို့ပူးပေါင်းရိုက်ကူးမယ့် ၂၀၂၁ ခုနှစ်ရဲ့ ပရောဂျက်ကြီးတစ်ခုဖြစ်ပါတယ်။

https://s9.kh1.co/__image/w=650,h=435,q=100/e8/e88de58cd4d6c24a20ec27bd7a4e4eb074af3830.jpg
Photo - Google

ဇာတ်လမ်းတွဲထွက်ရှိမယ့်ရက်ကိုတော့ တရားဝင်ကြေညာထားခြင်းမရှိသေးပါဘူး။ဒါပေမယ့် ထိုင်းဗားရှင်း F4 မှာ အရမ်းကိုနာမည်ကြီးတဲ့ ထိုင်းနိုင်ငံရဲ့မင်းသားလေးတွေဖြစ်တဲ့ Bright Vachirawit နှင့် Win Metawin တို့ ပါဝင်လာမယ်ဆိုတာကြောင့် လူစိတ်ဝင်စားမှုများပြားလျှက်ရှိပါတယ်။

https://s9.kh1.co/__image/w=650,h=976,q=100/3d/3dce70e9c292d25f91141152f08aaeccd0a1f7d4.jpg
Bright Vachirawit : Photo - Google
https://s9.kh1.co/__image/w=650,h=813,q=100/be/beca97b303fb6b636987fdd0cf84dc92effc2386.jpg
Win Metawin : Photo - Google

ဇာတ်လမ်းပုံစံက Manga ကိုမှီငြိမ်းထားတာကြောင့် အခြား F4 ဇာတ်လမ်းတွေပုံစံအတိုင်း ဖြစ်မယ်လို့သိရပါတယ်။ ဇာတ်လမ်းပုံစံတူပေမယ့် ပါဝင်မယ့်သရုပ်ဆောင်တွေရယ် ဒါရိုက်တာရဲ့ ဇာတ်လမ်းဆင်မှုအနုပညာတွေအပေါ်မူတည်ပြီး ကြည့်ရတဲ့ ရသလေးကတော့ ကွာခြားသွားမှာပါ။

ပါဝင်မယ့် သရုပ်ဆောင်တွေက Bright Vachirawit ၊ Win Metawin ၊ Dew Jirawat ၊ Nani Hirunkit နှင့် Tu Tontawan တို့ဖြစ်ပါတယ်။ Bright နှင့် Win တို့က နိုင်ငံတကာပရိသတ်အခိုင်အမာရရှိထားကြတဲ့သူတွေဖြစ်ပြီး Dew Jirawat နှင့် Nani Hirunkit တို့ကလည်း ပရိသတ်အခိုင်အမာရှိထားကြတဲ့သူတွေပါ။ Tu Tontawan ကတော့အခုမှ F4 ဇာတ်လမ်းနဲ့စပြီး debut လုပ်မှာဖြစ်ပါတယ်။

https://s9.kh1.co/__image/w=650,h=650,q=100/93/936e8c91f7bd93b0afc57b3ef6c69ef8c757418a.jpg
Dew Jirawat : Photo - Google
https://s9.kh1.co/__image/w=650,h=977,q=100/e6/e6fa4bb54f28463e3833ba4800eca48db171746c.jpg
Nani Hirunkit : Photo - Google
https://s9.kh1.co/__image/w=650,h=650,q=100/44/448bcb36b51337eaa404f3006106a642e857dc6b.jpg
Tu Tontawan : Photo - Google

F4 ဇာတ်လမ်းတွေက ဘယ်နိုင်ငံကရိုက်ရိုက် ရိုးမသွားပဲ ကြည့်လို့ကောင်းတာကြောင့် ဒီထိုင်းဗားရှင်းလေးကလည်း နာမည်ကြီးမယ့် ဇာတ်လမ်းတွဲကောင်းဖြစ်မယ်လို့ နိုင်ငံတကာရုပ်ရှင်ချစ်သူတွေကသုံးသပ်ထားကြပါတယ်။ F4 Thailand: Boys over Flowers ရဲ့ နမူနာဗီဒီယိုအတိုလေးကိုအောက်မှာဝင်ကြည့်သွားလို့ရပါတယ်။ အရမ်းကိုမိုက်တာနော် Bright ၊ Win ပရိသတ်ဆိုရင်တော့သေချာပေါက်အားပေးရမယ်နော် ။

Hsu Sandar Aung
Maria Emily Hsu

ဆက်စပ်ဆောင်းပါး