ကမ္ဘာပေါ်က ထင်ရှားတဲ့ တူးမြောင်းလို့ ဆိုလိုက်တာနဲ့ ပနားမား တူးမြောင်းနဲ့ ဆူးအက်တူးမြောင်းတို့ဟာ လူသိများကြပေမယ့် တရုတ်နိုင်ငံက Jing-Hang Grand Canal ကိုတော့ လူသိပ်မသိကြပါဘူး။

ဒီ Grand တူးမြောင်းကြီးဟာ တရုတ်နိုင်ငံ ဘေကျင်းမြို့ကနေ ဟန်ကျိုးမြို့ထိ ရှည်လျားတဲ့ ကမ္ဘာ့အရှည်ဆုံး တူးမြောင်းကြီးပဲ ဖြစ်ပါတယ်။

Photo from google
Photo from google

နဒီတူးမြောင်းကြီးရဲ့ အရှည်ဟာ ၁၁၁၅ မိုင်ရှိပြီး ကမ္ဘာ့ရှေးအကျဆုံး တူးမြောင်းတွေထဲမှာလည်း တစ်ခုအပါအဝင်ပဲ ​ဖြစ်ပါတယ်။

ဒီတူးမြောင်းကြီးကို ဘီစီ ၅ ရာစုဝန်းကျင်လောက်ထဲက စတင်တူးဖော်ခဲ့တာဖြစ်ပြီး ကြားထဲမှာရပ်နားခဲ့တဲ့အချိန်တွေရှိခဲ့ပေမယ့် အေဒီ ၆၀၉ မှာဆောက်လုပ်ပြီးစီးခဲ့ပါတယ်။

ဒီတူးမြောင်းကို ဘီစီ ၅ ရာစုလောက်မှာ ဘုရင် Fuchai ကစတင်တူးဖော်ခဲ့တာဖြစ်ပြီး ဘုရင် Fuchai လက်ထက်မှာတော့ တူးမြောင်းငယ်အဆင့်ပဲ ရှိခဲ့ပါတယ်။

Photo from google
Photo from google

အေဒီ ၆ ရာစု ၇ ရာစုကြားကာလအရောက်မှာတော့ ဘုရင် Yang ဟာဒီတူးမြောင်းကြီးကို ကူးသမ်းရောင်းဝယ်ရေး အဆင်ပြေစေဖို့နဲ့ စစ်ပွဲကာလမှာ စစ်ကူတွေအမြန်ပို့လွှတ်နိုင်ဖို့အတွက် ရည်ရွယ်ပြီး ဒီတူးမြောင်းကြီးကို ၆ နှစ်ကြာအချိန်ပေးပြီး ဆက်လက်တူးဖော်ခဲ့တာပဲ ဖြစ်ပါတယ်။

ဒီတူးမြောင်းကြီးဟာ တရုတ်နိုင်ငံရဲ့ သမိုင်းတစ်လျှောက် အရေးပါလှတဲ့နေရာမှာ ရှိခဲ့ပြီး လမ်းပန်းဆက်သွယ်ရေးနဲ့ သယ်ယူပို့ဆောင်ရေးတွေမှာ တော်တော်လေးအရေးပါခဲ့ပါတယ်။

နှစ်ပေါင်း ၂၀၀၀ ကျော်သက်တမ်းရှိပြီ ဖြစ်တဲ့ ဒီတူးမြောင်းကြီးဟာ ၂၀၀၄ ခုနှစ်အရောက်မှာတော့ ယူနက်စကိုရဲ့ ကမ္ဘာ့အမွေအနှစ်တစ်ခုအဖြစ် သတ်မှတ်ခြင်း ခံခဲ့ရပါတယ်။

Photo from google
Photo from google

သတင်းအရင်းမြစ်: Wikipedia

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။