သူ့ခန္ဓာကိုယ်ထက် ဆယ်ဆလောက်ကြီးသော သားကောင်ကိုတောင် မျိုချနိုင်တဲ့ Black Swallower ငါးကို မြောက်ဘက် နှင့် အနောက်ဘက် အတ္တလန္တိတ်သမုဒ္ဒရာရှိ အပူပိုင်းဒေသရေပြင်များတွင် တွေ့ရပါတယ်။ အများဆုံးအရှည် ၂၅စင်တီမီတာသာရှိသော ရေနေငါးသေးမျိုးစိတ်ပဲ ဖြစ်ပါတယ်။ မျိုးစိတ်အများစုမှာ အကြေးခွံမပါဘဲ နီညိုရောင် ၊ အဖြူရောင်ဖျော့ဖျော့ သို့မဟုတ် အရောင်မဲ့ငါးများ ဖြစ်ကြပြီး ရေမျက်နှာပြင်မှ အနက် ( 4000 မီတာ - 6000 မီတာ ) နက်သော ချောက်များတွင်တွေ့ရပါတယ်။
Chiasmodontidae မျိုးရင်းတွင် ပါဝင်သော ရေနက်နေ ငါးတစ်မျိုးဖြစ်ပြီး ချွန်ထက်သောအစွယ်များဖြင့် သားကောင်ကို ဖမ်းယူကာ သူ့ရဲ့အစာအိမ်အတွင်းထည့်ကာ ဖြည်းဖြည်းချင်းအစာပြန်ချေကြပါတယ်။ ရှည်လျားသော နှာတံ ၊ အတော်အသင့် အရွယ်အစားရှိသော မျက်လုံးများနဲ့ ကြီးမားသော ပါးစပ် ချွန်ထက်သောသွားတို့ပါရှိပြီး ကျောရိုးရှိရေနေငါးကြီးများကို အဓိကစားသုံးကြပါတယ်။ ဆူးတောင်များမှာ ရှည်လျားပြီး ကူးခတ်ရန်ကူညီပေးတဲ့ ရောင်ခြည် ၁၂ ခုမှ ၁၅ ခုကြားပါဝင်ကြပါတယ်။
တင်ပါးဆုံတွင်းဆူးတောင်များမှာ သေးငယ်ကာ ရောင်ခြည် ၅ ခုသာ ပါရှိပြီး စအိုဘက်ဆူးတောင်တွင် ရောင်ခြည် ၂၆ မှ ၂၉ ခု ပါရှိကြပါတယ်။ အကောင်သေးပေမဲ့ အဆိပ်ပြင်းတဲ့ မြောက်အတ္တလန္တိတ်ေဒသဘက်မှာသာ တွေ့ရသော ငါးမျိုးစိတ်တစ်မျိုးပဲဖြစ်ပါတယ်။ ဥဥ တဲ့ ကျောရိုးရှိရေနေသတ္တဝါငယ်တစ်မျိုးဖြစ်ပြီး တွေ့ရခဲတဲ့ မျိုးသုန်းပျောက်ကွယ်တော့မဲ့ ငါးမျိုးစိတ်တစ်မျိုးပဲဖြစ်ပါတယ်။