နောက်ပိုင်းမှာတော့ လူတစ်ချို့ဟာ လတ်လတ်ဆတ်ဆတ်စားရဖို့ဆိုပီး ငါးတွေ၊ ပုစွန်တွေကို အရှင်လတ်လတ်ကြီး ဟင်းအိုးထဲပစ်ထည့်ပီး စားလာကြပါတယ်။
ဒါ့အပြင် စားသောက်ဆိုင်တစ်ချို့ကလည်း စားသုံးသူတွေ စိတ်ကျေနပ်မှုရစေဖို့အတွက် ဒီနည်းလမ်းအတိုင်း ကျင့်သုံးလာတာကိုတွေ့ရပါတယ်။
လူမှုကွန်ယက်ပေါ်ပျံ့နှံ့လာတဲ့ ဗီဒီယိုတစ်ခုအတွင်းမှာဆိုရင်လည်း ကျောက်ပုစွန်တစ်ကောင်ဟာ အသက်ဘေးကနေလွတ်ဖို့အတွက် ပွက်ပွက်ဆူနေတဲ့ hotpot အိုးထဲကနေ ထွက်ပြေးဖို့ ကျိုးစားခဲ့တာကိုတွေ့ရပါတယ်။
၄င်းကျောက်ပုစွန်ဟာ သူအသက်မသေဆုံးဖို့အတွက် hotpot အိုးထဲကျနေတဲ့ သူ့ရဲ့ လက်မတစ်ဖက်ကို ကိုယ်တိုင်ချွတ်ပီး ထွက်ပြေးခဲ့ရပါတယ်။
ဒါဟာ ၄င်းကျောက်ပုစွန်အတွက်တော့ အရှင်လတ်လတ် ငရဲကျနေသလိုပဲ။
သူဘယ်လောက်နာကျင်ခံစားနေရလဲဆိုတော လူသားတွေလို ထုတ်မပြောတတ်ပေမယ့် အရှင်လတ်လတ် အပူပေးပြီး လက်တစ်ဖက်ဖြတ်ခံရသလို ခံစားမှုကြီးက သူ့အတွက်တော့ သည်းမခံနိုင်လောက်အောင် နာကျင်နေမှာ အသေအချာပါပဲ။
ပရိသတ်တွေ ကိုယ်တိုင်မြင်တွေ့နိုင်စေဖို့အတွက် ဗီဒီယိုလေးကိုပါ ထည့်သွင်းဖော်ပြပေးလိုက်ပါတယ်။
သတင်း အရင်းအမြစ်៖ New York Post