ကမ္ဘာပေါ်ကလူသားတိုင်းမှာ မွေးရာပါအမှတ်အသားတွေပါရှိတက်ကြပါတယ်။ ဒါပေမယ့် တချို့သောသူတွေမှာတော့ မွေးရာပါအမှတ်အသားတွေမဟုတ်ပဲ မွေးရာပါ ခန္ဓာကိုယ် အစိတ်အပိုင်း အပိုတွေ ပါ၀င်တက်ကြလေ့ရှိပါတယ်။ ဒါကြောင့်ပဲ အောက်မှာဆိုရင် ဘယ်သူတွေက ဘယ်လို ခန္ဓာကိုယ် အစိတ်အပိုင်းအပိုတွေ ပါနေတက်ကြလည်းဆိုတာ ဆက်လက်ဖက်ရှုကြည့်ပါအုန်း။

Brigham Nordstrom

လူတစ်ယောက်မှာ ၂ခုပဲရှိသင့်တဲ့ အင်္ဂါအစိတ်အပိုင်းဟာ ၃ခုထိရှိမယ်ဆိုရင် နေရတာ အဆင်မပြေတော့ပါဘူး။ လေးခုရှိမယ်ဆိုရင်တော့ ဒါဟာ သာမန်ကိစ္စမဟုတ်တော့ပါဘူး။ ဒါပေမယ့် ၅ ခုရှိမယ်ဆိုရင်တော့ အရမ်းများသွားပါပြီ။ New Zealand က ရှေ့နေတစ်ယောက်ဖြစ်တဲ့ Brigham Nordstrom ဟာ သူ့အသက် ၂၈မှာ ကျောက်ကပ်နဲ့ပတ်သက်ပြီး ဆေးရုံးကိုပြသခဲ့ပါတယ်။ အဲ့အချိန်မှာ သူသိလိုက်ရတာဟာ သူမှာ ကျောက်ကပ်၅ခုရှိနေတာပါပဲ။ သူဟာကမ္ဘာပေါ်မှာ ယနေ့ချိန်ထိ ကျောက်ကပ်အများဆုံးရှိသူဖြစ်ပါတယ်။ ဆရာ၀န်ကလည်းသူ့ကို ကျောက်ကပ်တွေဖယ်ထုတ်ရင် အသက်အန္တရာယ်ရှိတဲ့အတွက် မဖယ်ထုတ်ဖို့ အကြံပေးခဲ့ပါတယ်။ ဒါကြောင့်သူဟာ ယနေ့ချိန်ထိ ကျောက်ကပ်၅ခုနဲ့ ကျန်းကျန်းမာမာ ရှိနေတုန်းပါပဲ။

Kang Kang

သင့်အနေနဲ့ လူတွေမှာ မျက်နှာနှစ်ခုရှိတယ်ဆိုတဲ့စကားကို ကြားဖူးမှာပါ။ ဒါဟာ စကားတင်မဟုတ်ပဲ အပြင်မှာလည်း တကယ်ရှိပါတယ်။။ Kang Kang ဆိုတဲ့ကလေးလေးဟာ မွေးရာပါ မျက်နှာနှစ်ခု ပါခဲ့ပါတယ်။ ခန္ဓာကိုယ်အစိတ်အပိုင်းအပိုပါတဲ့သူတွေ အနေနဲ့ ဒီဖြစ်ရပ်ဟာ အထူးခြားဆုံးပါပဲ။

Hong Hong

၂၀၁၆ခုနှစ်တုန်းက တရုတ်မှာ Hong Hong ဆိုတဲ့ကလေးလေးဟာ မွေးဖွားခဲ့ပြီး အဲ့ဒီကလေးမှာ ခြေမ ၁၆ချောင်းနဲ့ လက်ချောင်း ၁၅ချောင်း ပါ၀င်ခဲ့ပါတယ်။ Polydactylism ကိုခံစားခဲ့ရသူဖြစ်ပြီး ကလေးအယောက် ၁၀၀၀မှာ ၁ယောက်သာ အဲ့လိုအခြေအနေမျိုးနဲ့ ကြုံတွေ့ရတာဖြစ်ပါတယ်။ သူရဲ့အမေတောင်မှ ခုလိုအခြေအနေမျိုးနဲ့ကြုံတွေ့ခဲ့ရပြီး တစ်ဖက်စီမှာ ခြေမ ၆ချောင်းရှိကာ လက်တစ်ဖက်စီမှာ လက်ချောင်း ၆ချောင်းရှိပါတယ်။ ကံကောင်းစွာပဲ ကလေးလေးအနေနဲ့ ရန်ပုံငွေကနေ ခွဲစိတ်‌ခွင့်ရရှိခဲ့တာမို့ ယနေ့အချိန်မှာတော့ ကျန်းကျန်းမာမာရှိနေပါပြီ။

သတင်းအရင်းမြစ်: Wonderlist

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။