ဩစတေးလျမှာရှိတဲ့ Grüner See (Green Lake) လို့လည်းခေါ်တဲ့ ဒီပန်းခြံလေးဟာ နွေရာသီမှာအလွန်လှပတဲ့ရေကန်လေးဖြစ်သွားတက်ပါတယ်။ အကြောင်းကတော့ Hochschwab တောင်တွေပေါ်က ရေခဲတွေဟာ နှစ်စဉ်နှစ်တိုင်း အရည်ပျော်ကျလေ့ ရှိတာကြောင့်ပဲ ဖြစ်ပါတယ်။ ရေခဲတွေ အရည်ပျော်ကျပြီး အစိမ်းရောင် ပန်းခြံ ရေကန်လေးထဲကို ရေတွေစီးဝင်ခဲ့ကာ ရေတွေများလာတော့ ပန်းခြံတစ်ခုလုံး ကြည်လင်နေတဲ့ရေအောက်ကိုရောက်သွားခဲ့ပါတယ်။
သစ်ပင်တွေ ၊ပန်းလေးတွေ ၊ထိုင်ခုံတန်းလျားလေးတွေ ၊ ပန်းခြံလမ်းလေးတွေ ၊ တံတားလေးတွေ အကုန်လုံး ကြည်လင်နေတဲ့ ရေကန် အောက်ကိုခေတ္တရောက်ရှိသွားပါတယ်။ ဆောင်းရာသီမှာ ပန်းခြံလေးဟာ ရေထဲမှ ပြန်ပေါ်လာတက်ပြီး ၃ပေ လောက်သာရှိတဲ့ ရေကန် လေးဖြစ်သွားသလို နွေရာသီမှာတော့ ပန်းခြံတစ်ခုလုံး ရေထဲရောက်ရှိသွားလို့ ရေအနက်ဟာ ၃၉ ပေလောက်အထိ ရောက်ရှိသွားပါတယ်။
သဘာဝရှုခင်းတွေကလည်း လှပတဲ့အပြင် နေရာလေးကလည်း တိတ်ဆိတ်လွန်းလှတဲ့ကြောင့် လာရောက်လည်ပတ်သူတွေ များပြားလျက်ရှိတယ်လို့လည်း သိရပါတယ်။ ဒါ့ကြောင့် ဒီပန်းခြံလေးရဲ့ ရှုခင်းအလှပုံရိပ်တွေကို မျက်စိအေးစေရန်အတွက် ဖော်ပြပေးလိုက်ပါတယ်။ တချို့သူတွေကတော့ ဒီပန်းခြံလေး ရေအောက်ရောက်သွားတဲ့အချိန်ကျရင်လည်း ရေအောက်ထဲကို လာရောက်လေ့လာလေ့ ရှိပါတယ်။
သတင်း အရင်းအမြစ်៖ Blogger Arena